మహిళా సమస్యల పరిష్కారానికై కౌన్సెలింగ్ సెంటర్

మహిళలు ఎదుర్కొంటున్న సమస్యలను పరిష్కరించడానికి ఏర్పాటు చేసిన భూమిక కౌన్సెలింగ్ సెంటర్​ను రాచకొండ పోలీస్ కమిషనర్ మహేశ్ భగవత్ ప్రారంభించారు.

రాచకొండ పరిధిలోని నేరేడ్​మెట్​లో ఏర్పాటు చేసిన భూమిక కౌన్సెలింగ్ సెంటర్​ను మహేశ్ భగవత్ ప్రారంభించారు. మహిళలకు లీగల్​గా సేవలు అందించేందుకు దీనిని స్థాపించినట్లు సంస్థ నిర్వాహకురాలు సుమిత్ర పేర్కొన్నారు. సమస్యలతో వచ్చిన మహిళలకు సలహాలు ఇచ్చేందుకు ఇక్కడ ఇద్దరు కౌన్సెలర్లను ఏర్పాటు చేసినట్లు తెలిపారు. రాచకొండ పరిధిలోని 46 పోలీస్ స్టేషన్లకు దీనిని అనుసంధానం చేసినట్లు ఆమె తెలిపారు. అందిస్తున్న సేవలకు గానూ, ఎటువంటి ఫీజు ఉండదని సుమిత్ర స్పష్టం చేశారు.

ఇదీ చూడండి: ఈటీవీ భారత్ యాప్​లో కొత్త ఫీచర్స్