చెరువులో దూకిన వ్యక్తిని కాపాడిన స్థానికులు, పోలీసులు

ఓ వృద్ధుడు చెరువులో దూకుతుండగా స్థానికులు గమనించారు. వెంటనే పోలీసులకు తెలిపారు. వెంటవే వచ్చిన పోలీసుల సాయంతో అతన్ని కాపాడిన వారిని సీపీ మహేష్ భగవత్ అభినందించారు. ఈ సంఘటన ఎల్బీనగర్​ పోలీస్​స్టేషన్​ పరిధిలో జరిగింది.

చెరువులోకి దూకి ఆత్మహత్యకు పాల్పడబోయిన ఓ వృద్ధుడిని స్థానికుల సాయంతో పోలీసులు చాకచక్యంగా కాపాడారు. ఎల్బీనగర్​కి చెందిన సుదర్శన్ రెడ్డి బైరామల్ చెరువులో దూకుతుండగా అక్కడ ఉన్న స్థానికులు గమనించారు. వెంటనే అప్రమత్తమైన స్థానికులు, పోలీసులకు తెలిపారు. వారు ఇరువురు కలిసి అతనిని బయటకు తీశారు.

హుటాహుటిన అతనిని కాచిగూడలోని ఓ ప్రైవేటు ఆస్పత్రికి తరలించడం వల్ల ప్రాణాలతో బయటపడ్డాడు. సమాచారం తెలుసుకున్న సీపీ మహేష్ భగవత్ సిబ్బందిని, స్థానికులను అభినందించారు. దర్యాప్తు చేసిన పోలీసులు కుటుంబ కలహాల కారణంతో ఆత్మహత్యకు పాల్పడబోయినట్టు తెలిసింది.

ఇదీ చూడండి : ఒక్కరోజే 11 కేసులు.. అధికార యంత్రాంగం అప్రమత్తం