Isolation: ఐసోలేషన్​ కేంద్రంపై స్థానికుల అభ్యంతరం

ఐసోలేషన్​(Isolation) కేంద్రం వల్ల తాము అనారోగ్యానికి గురవుతామని హైదరాబాద్​ గాంధీనగర్​ డివిజన్​లో స్థానికులు అభ్యంతరం వ్యక్తం చేశారు. ఐసోలేషన్​ ​ కేంద్రాన్ని మరో చోటికి తరలించాలని డిమాండ్​ చేశారు.

హైదరాబాద్​ గాంధీనగర్​ డివిజన్​లోని జవహార్​నగర్ కమ్యూనిటీ హాల్​లో జీహెచ్​ఎంసీ ఆధ్వర్యంలో ఐసోలేషన్(Isolation) కేంద్రాన్ని ఏర్పాటు చేశారు. ఇళ్ల మధ్య ఐసొలేషన్ కేంద్రాన్ని ఏర్పాటు చేయడం వల్ల తాము అనేక అవస్థలు పడుతున్నామని స్థానికులు చెబుతున్నారు.

ఈ 30 పడకల ఐసోలేషన్(Isolation) కేంద్రాన్ని ప్రారంభించడానికి కేంద్ర హోం శాఖ సహాయ మంత్రి కిషన్​ రెడ్డి వచ్చిన సమయంలో తమను పోలీసులు అడ్డుకున్నారని తెలిపారు. ఐసోలేషన్ సెంటర్​ను తొలగించాలని డిమాండ్ చేశారు. జీహెచ్ఎంసీ సర్కిల్ డీఎంసీ హరికృష్ణ సర్ది చెప్పడంతో వారు వెనక్కి తగ్గారు.

ఇదీ చదవండి: Eatala: ఒక్క ఎకరం ఎక్కువ ఉన్నా ముక్కు నేలకు రాస్తా: ఈటల సతీమణి