రాష్ట్రంలో మూడు, అయిదేళ్ల ఎల్‌ఎల్‌బీతో పాటు రెండేళ్ల ఎల్ఎల్ఎం కోర్సుల్లో ప్రవేశానికి నిర్వహించే లాసెట్‌కు ఏప్రిల్ 02న నోటిఫికేషన్ జారీ కానుంది. ఈ మేరకు రాష్ట్ర ఉన్నత విద్యామండలి కార్యాలయంలో ఛైర్మన్‌ ఆచార్య ఆర్‌.లింబాద్రి, లాసెట్ కన్వీనర్‌ జీబీరెడ్డి కాలపట్టికను విడుదల చేశారు.
ఎల్‌ఎల్‌బీకి ఎస్సీ, ఎస్టీ, దివ్యాంగులకు రూ.500, ఇతరులకు రూ.800, ఎల్ఎల్ఎం పరీక్షకు వరుసగా రూ.800, రూ.1000గా ఫీజు నిర్ణయించారు. ఏప్రిల్ 6 నుంచి జూన్‌ 6 వరకు దరఖాస్తు చేసుకోవచ్చని ఛైర్మన్‌ లింబాద్రి తెలిపారు. రూ.500 నుంచి రూ.2 వేల వరకు ఆలస్య రుసుంతో జులై 12 వరకు దరఖాస్తులను సమర్పించవచ్చని పేర్కొన్నారు. పరీక్షలు జులై 21, 22 తేదీల్లో నిర్వహిస్తామని అన్నారు.
ఇదీ చదవండి: 'ఒకేసారి వివిధ రకాల డ్రగ్స్ తీసుకోవడం వల్లే బీటెక్ విద్యార్థి మృతి'
