ఇప్పటికే కోరాం...
మే నెల వరకు తాగు, సాగునీటి అవసరాల కోసం 17 టీఎంసీల నీరు కేటాయించాలని గతంలోనే బోర్డునుఏపీ కోరింది. కేటాయించిన దాని కంటె ఎక్కువ ఏపీ నీటిని వినియోగించుకుందని తెలంగాణ అభ్యంతరం వ్యక్తం చేసింది. ఈ నెల 11 వరకు శ్రీశైలంలో 46.98, సాగర్లో 157.05 టీఎంసీల నీరు ఉన్నట్లు తేల్చారు.
తాగు, సాగునీటికి కేటాయింపులు...
తెలంగాణకు శ్రీశైలం నుంచి కల్వకుర్తి ద్వారా మిషన్ భగీరథ కోసం 3.5, సాగర్ నుంచి మిషన్ భగీరథ అవసరాల కోసం 5 టీఎంసీల విడుదలకు నిర్ణయం తీసుకున్నారు. సాగర్ నుంచి హైదరాబాద్ తాగునీటి అవసరాల కోసం 8.5, ఏఎమ్మార్పీ కింద చెరువులు నింపేందుకు మూడు, సాగర్ ఎడమ కాల్వ కింద రబీ పంటలకు 9 టీఎంసీలు కేటాయించారు. ఆంధ్రప్రదేశ్కు శ్రీశైలం నుంచి హంద్రీనీవా, ముచ్చుమర్రి ద్వారా మూడు, సాగర్ కుడి కాల్వ నుంచి 8 టీఎంసీల విడుదలకు అనుమతించారు. సాగర్ ఎడమ కాల్వ నుంచి 3, కృష్ణా డెల్టాకు మరో మూడున్నర టీఎంసీలుకేటాయించారు.
510 అడుగులుండేలా...
వీలైనంత వరకు నాగార్జున సాగర్ లో 510 అడుగుల వరకు నీటిమట్టం ఉండేలా చూడాలని బోర్డు రెండు రాష్ట్రాలకు సూచించింది. శ్రీశైలం, సాగర్ నుంచి పవర్ హౌస్ల ద్వారానే నీరు వదలాలని తెలిపింది. కృష్ణా డెల్టాకు రేపట్నుంచి పదివేల క్యూసెక్కుల చొప్పున నీరు విడుదల చేయాలని బోర్డు పేర్కొంది.
ఇవీ చూడండి:మహిళా భద్రతకై... 'వీ ఆర్ వన్'
