వలస కూలీలకు ఆహారం అందించిన కౌన్సిలర్​

లాక్​డౌన్​ నేపథ్యంలో వలస కూలీలకు ప్రభుత్వం స్వస్థలాలకు చేరవేస్తుంది. బస్సుల్లో స్వస్థలాలకు వెళ్తున్న వలస కూలీలకు పలువురు దాతలు బస్సులు ఆపి.. భోజనం అందిస్తున్నారు. కొంపల్లిలోని ఆర్టీసీ బస్సుల్లో తరలి వెళ్తున్న వారికి కౌన్సిలర్​ జ్యోత్స్న శివారెడ్డి ఆహార పొట్లాలు పంపిణీ చేశారు.

లాక్​డౌన్​ నేపథ్యంలో వలస కూలీలకు సహాయం చేయడానికి పలువురు దాతలు ముందుకు వస్తున్నారు. ఉపాధి లేక.. తిండికి ఇబ్బందులు పడుతున్న వారికి కొందరు నిత్యావసరాలు అందిస్తే.. మరికొందరు భోజన సదుపాయం కల్పిస్తున్నారు.

ప్రభుత్వం బస్సుల్లో తరలిస్తున్న వలస కూలీలకు కౌన్సిలర్​ జ్యోత్స్న శివారెడ్డి బస్సులు ఆపి ఆహార పొట్లాలు అందించారు. లాక్​డౌన్​ ప్రకటించినప్పటి నుంచి పేదలకు, వలస కార్మికులకు తమ వంతు సాయం చేస్తున్నట్టు కౌన్సిలర్​ తెలిపారు.