చిన్నారుల 'కిడ్డీ' సాయం

కశ్మీర్ పుల్వామాలో అమరులైన జవానుల కోసం దేశం మొత్తం నివాళులు అర్పిస్తోంది. వీర సైనికుల కుటుంబాలకు తమ వంతు సహాయం అందించేందుకు చిట్టి చేతులు ముందుకు వచ్చాయి.

కూకట్‌పల్లి నిజాంపేట​కు చెందిన అరుణ్ కుమార్, పావని దంపతుల పిల్లలు చైతన్య, జితిన్​. క్రాంతి కుమార్, లీనా దంపతుల పిల్లలు నిశాంత్, లాస్య, ఇష్యా తమ కిడ్డీ బ్యాంకులలో దాచుకున్న సొమ్ము రూ.15,900 సైన్యానికి విరాళం ఇచ్చేందుకు ముందుకొచ్చారు. తాతయ్య మోహనరావు సహాయంతో ఆర్మీ సంక్షేమ నిధుల ఖాతాలో ఈ మొత్తాన్ని జమ చేశారు. దేశం కోసం నిరంతరం పని చేస్తూ అమరులైన సైనికుల కుటుంబాలకు చేసిన ఈ సహాయం ఎంతో తృప్తిని ఇచ్చిందని చిన్నారులు అన్నారు. వీలైనంత సహాయాన్ని చేసేందుకు ప్రజలు ముందుకు రావాలని కోరారు.