తెలంగాణ ప్రాంత జలప్రదాయిని కాళేశ్వరం ఎత్తిపోతల పథకంలో ఆగస్టు నెలకు రూ. 237.63 కోట్ల విద్యుత్తు బిల్లు బకాయిలు ఉత్తర విద్యుత్తు పంపిణీ సంస్థ (ఎన్సీడీసీఎల్)కు ప్రభుత్వం చెల్లించాల్సి ఉంది. ఈమేరకు ఎన్సీడీసీఎల్ వెబ్సైట్లో వివరాలు లభ్యమయ్యాయి. రాష్ట్రంలో సుమారు కోటి ఎకరాలను సాగులోకి తేవాలన్న సంకల్పంతో ప్రారంభించిన ఈ ప్రాజెక్టులో భాగంగా నీటిని ఎత్తిపోసేందుకు భారీ పంపుసెట్లకు విద్యుత్ సరఫరా చేస్తోంది. ఈ మేరకు కన్నెపల్లి, సుందిళ్ల, అన్నారం పంపుహౌస్, నందిమేడారం, రామడుగు, రాజేశ్వర్ రావు పేట , రాంపూర్ ప్రాంతాల్లో ఎన్పీడీసీఎల్ కాళేశ్వరం ప్రాజెక్టు పంపుసెట్లకు సంస్థ హెచ్టీ సర్వీసులను మంజూరు చేసింది. ఆగస్టు చివరి వరకు ఏడు చోట్ల ఏర్పాటు చేసిన పంపుసెట్ల వద్ద విద్యుత్ వినియోగం రూ.237.63కోట్ల మేర బిల్లు రీడింగ్ నమోదైంది.
ఇదీచూడండి: 'ఎన్ఆర్సీ పేరుతో నిప్పుతో చెలగాటమాడొద్దు'
