ఈ కిరణాలు... కొవిడ్​ సంహరణాలు

కరోనా వైరస్‌ను కట్టడి చేసేందకు శానిటైజేషన్ వినియోగం పెరుగుతున్న తరుణంలో రక్షణ పరిశోధన సంస్థ ప్రత్యేక పరికరాన్ని తయారు చేసింది. అతినీలలోహిత కిరణాలతో సెన్సార్ల ఆధారంగా పనిచేసే ఈ పరికరం ద్వారా వస్తువులను శానిటైజ్‌ చేసే విధంగా రూపొందించారు. మొబైల్ ఫోన్లతోపాటు ల్యాప్​టాప్‌లు, నగదు, బ్యాంకు చెక్కులను అతిసులభంగా పరిశుభ్రం చేసుకోవచ్చని ఈఎస్​ఐ వైద్యురాలు మాధురి తెలిపారు. వస్తువులపై కంటికి కనిపించని సూక్ష్మజీవులను ఎలా నాశనం చేస్తుందో చెబుతున్న డాక్టర్ మాధురితో మా ప్రతినిధి ముఖాముఖి.

ప్రశ్న: అల్ట్రావయోలెట్​ శానిటైజర్​ పరికరం ఎలా పనిచేస్తుంది?, దీని వల్ల ఎంత వరకు ఉపయోగం ఉంది?

జవాబు: ప్రస్తుతం రెండు రకాల పరికరాలు అందుబాటులో ఉన్నాయి. ఒకటి బటన్స్​ ద్వారా పనిచేయగా... మరొకటి సెన్సార్​ల ద్వారా పనిచేస్తోంది. బాక్స్​ను తెరిచి వస్తువులను అందులో ఉంచి బాక్స్​ను క్లోజ్​ చేసిన తర్వాత... అందులో ఏర్పాటు చేసిన బల్బుల ద్వారా అతినీలలోహిత కిరణాలు ప్రసరించి.. వైరస్​ను అంతమొందిస్తాయి.

ప్రశ్న: అతినీలలోహిత కిరణాలతో శాటిటైజ్​ చేయడం వల్ల వైరస్​ను పూర్తిగా నశిస్తుందా?

జవాబు: ఈ పరికరం ద్వారా ఇప్పటికే పలు బాక్టీరియాలపై ప్రయోగం చేయగా...కేవలం మూడు నుంచి ఏడు నిమిషాల్లో వాటిని అంతమొందించింది. ప్రస్తుతం కరోనా వైరస్​పై ప్రయోగిస్తున్నాం.. అతినీలలోహిత కిరణాల ద్వారా వైరస్, బాక్టీరియా, ఫంగస్​ను నివారించవచ్చని తెలిసిందే...

ప్రశ్న: ఇవి కేవలం ప్రయోగాత్మకంగా ఏర్పాటు చేశారా?

జవాబు: ప్రస్తుతం వీటిని ప్రయోగాత్మకంగా ఏర్పాటు చేయడం జరిగింది. మరిన్ని పరికరాలు అవసరమవుతాయి. అవన్నీ రాగానే ఆస్పత్రి అంతా ఏర్పాటు చేస్తాం.

ప్రశ్న: ఈ పరికరాలు వైరస్​ నివారణలో ఎంత వరకూ ఉపయోగపడొచ్చు?

జవాబు: వస్తువులను రసాయనాలతో శుభ్రం చేయడం వల్ల అవి పాడయ్యే అవకాశం ఉంది. దానితో పాటు రసాయనాల తయారీ వ్యయ ప్రయాసలతో కూడుకున్నది. అతినీలలోహిత కిరణాలతో వస్తువులను శానిటైజ్ చేయడం సులభమైన ప్రక్రియ.

ఇవీ చూడండి:ప్రధానికి ముఖ్యమంత్రి ఏం చెప్పబోతున్నారు..?