ఇంటర్మీడియట్ పరీక్షా ఫలితాలను ఈనెల 15లోగా వెల్లడిస్తామని ఇంటర్ బోర్డు కార్యదర్శి సయ్యద్ ఉమర్ జలీల్ తెలిపారు. ఇంటర్ విద్యార్థులకు కెరీర్ కౌన్సిలింగ్ కోసం ఈనెల 11న వెబినార్ నిర్వహించనున్నట్లు పేర్కొన్నారు. హిందీ మహా విద్యాలయ, ఐసీఏఐతో సంయుక్తంగా వెబినార్ నిర్వహిస్తున్నట్లు చెప్పారు. వెబినార్ లింక్ వివరాలు త్వరలోనే వెల్లడిస్తామని... సీఏ, లైఫ్ సైన్సెస్, వొకేషనల్, తదితర విభాగాల్లోని అవకాశాలపై చర్చించనున్నామని వివరించారు. కరోనా పరిస్థితుల నేపథ్యంలో ఇంటర్ హాల్ టికెట్ నెంబర్నే సీఏ ఫౌండేషన్కు రిజిస్ట్రేషన్ చేసుకునే అవకాశం కల్పించినట్లు ఐసీఏఐ కేంద్ర కౌన్సిల్ సభ్యుడు దయానివాస్ శర్మ తెలిపారు. ఇంటర్మీడియట్ కామర్స్ సిలబస్, కోర్సు కంటెంట్లో... ఐసీఏఐతో కలిసి పలు మార్పులు తీసుకొచ్చే ఆలోచనలో ఉన్నట్లు జలీల్ చెప్పారు.
ఇదీ చూడండి : భూ యజమానులకు 10శాతం వాటా పెంపు
