ఆంధ్రప్రదేశ్లోని గన్నవరం విమానాశ్రయం నుంచి ముంబయికి విమాన సర్వీసు ఆరంభం కానుంది. జనవరి 12 నుంచి వారానికి మూడు రోజులు ఈ విమాన సర్వీసు నడవనుంది. మంగళ, గురు, శనివారాల్లో నడిచే ఈ సర్వీసుకు ఇప్పటికే టిక్కెట్ల విక్రయం ప్రారంభమైంది. ప్రస్తుతం గన్నవరం నుంచి ముంబయికి విమాన సర్వీసులు లేవు.
గతంలో ఎయిరిండియా, స్పైస్‌జెట్‌ విమాన సర్వీసులు ముంబయికి కొన్నాళ్లు నడిపి ఆపేశాయి. ప్రస్తుతం ఇండిగో విమానయాన సంస్థ ముంబయికి సర్వీసులు ఆరంభించనుంది. ముంబయిలో ఉదయం 10.50కు బయలుదేరి మధ్యాహ్నం 12.45కు విజయవాడ చేరుతుంది. విజయవాడ నుంచి మధ్యాహ్నం 1.30కు బయలుదేరి సాయంత్రం 3.20కు ముంబయికి చేరుతుంది.
ఇదీ చదవండి: ప్రకటనలతో ప్రభుత్వం మభ్యపెడుతోంది: రామచందర్ రావు
