హిందూ మహా సముద్రంలో చిక్కుకుని సాయం కోసం ఎదురుచూస్తున్న శ్రీలంక మత్స్యకారులను భారత్ కోస్ట్ గార్డ్ రక్షించింది. ఏపీలోని విశాఖ వైపు వస్తున్న మర్చంట్ నేవీ నౌక ఎం.వి.సుమిత్లోని సిబ్బంది... సముద్రంలో కొంత మంది ప్రమాదంలో ఉన్న విషయాన్ని గుర్తించారు. సమాచారాన్ని కోస్ట్ గార్డ్ కమాండ్ అండ్ కంట్రోల్ రూమ్కి అందించారు. ఆరుగురు శ్రీలంక మత్స్యకారులను ప్రాణాపాయం నుంచి కాపాడారు. చేపల వేట కోసం వీరు సముద్రంలోకి వెళ్లినప్పుడు ఆ ప్రాంతం అల్లకల్లోలంగా మారి... వీరు ప్రయాణిస్తున్న బోట్ తలకిందులైంది. బోటు అంచున వీరు వేలాడి.. సాయం కోసం వేచి చూసినట్లు నేవీ అధికారులు తెలిపారు. వారిని శ్రీలంకకు పంపేందుకు ఏర్పాట్లు చేస్తామని వెల్లడించారు. చెన్నైకి తూర్పుగా 170 నాటికల్ మైళ్ల దూరంలో ఈ ఘటన జరిగింది.
ఇదీ చదవండి: శుభవార్త: ఒక్కో రైతుకు నేరుగా రూ.1.60 లక్షలు!
