కులాల మధ్య విద్వేషాలను రెచ్చగొట్టే విధంగా మాట్లాడిన ఎమ్మెల్యే ధర్మారెడ్డిపై తక్షణమే చర్యలు తీసుకోవాలని ఓయూ ఎస్సీ, ఎస్టీ సెల్ డైరెక్టర్ ప్రొఫెసర్ గాలి వినోద్ డిమాండ్ చేశారు.
రాజ్యాంగం మీద ప్రమాణం చేసి అన్ని కులాలు, వర్గాలను సమానంగా చూస్తామని ప్రమాణం చేసి .. ఎస్సీ, ఎస్టీ, బీసీ, మైనార్టీలను ధర్మారెడ్డి తక్కువ చేసి మాట్లాడారని వినోద్ మండిపడ్డారు. ప్రజా ప్రాతినిధ్య చట్టం ప్రకారం.. ఎమ్మెల్యేపై గవర్నర్ చర్యలు తీసుకోవాలని డిమాండ్ చేశారు. ధర్మారెడ్డిని అసెంబ్లీలో అడుగు పెట్టకుండా బర్తరఫ్ చేసే బాధ్యత స్పీకర్పై ఉందన్నారు. ధర్మారెడ్డి వ్యాఖ్యలపై జాతీయ ఎస్సీ కమిషన్కు ఫిర్యాదు చేశామని వినోద్ తెలిపారు. త్వరలో ఛలో పరకాల కార్యక్రమాన్ని చేపట్టనున్నట్లు తెలిపారు.
ఈ కార్యక్రమానికి కేంద్ర ఎస్సీ కమిషన్ మాజీ సభ్యులు కె.రాములు, ఎస్సీ, ఎస్టీ ఉద్యోగుల జాతీయ కాన్ఫడరేషన్ రాష్ట్ర అధ్యక్షులు రాజు, బహుజన లెఫ్ట్ ఫ్రంట్ రాష్ట్ర కన్వీనర్ అశోక్, లోక్ జనశక్తి పార్టీ రాష్ట్ర నాయకులు భీమారావు, బీసీ ఉద్యోగుల కార్పొరేషన్ నాయకులు కస్తూరి జయప్రసాద్, తదితరులు హాజరయ్యారు.
ఇదీ చదవండి: ధాన్యాన్ని ప్రభుత్వమే కొనుగోలు చేయాలి: ఎల్.రమణ
