పాదాలు మృదువుగా కావాలంటే... ఇలా చేయండి!

జట్టుకు పోషణనిచ్చే కండిషనర్​తో ఇతరత్రా ప్రయోజనాలు కూడా పొందొచ్చు అవి ఏంటంటే... రోజూ రాత్రిపూట పడుకోబోయే ముందు పగిలిన పాదాలకు కాసింత కండిషనర్​ రాసి మృదువుగా మర్దనా చేయాలి. ఆపై సాక్సులు వేసుకోవాలి. ఇలా క్రమం తప్పకుండా చేస్తే పాదాలకు తగినంత తేమ, పోషణ అంది మృదువుగా మారతాయి.

గోళ్లకూ

హెయిర్​ కండిషనర్​లో పోషణనిచ్చే సమ్మేళనాలు మెండుగా ఉంటాయి. గోళ్లకు నూనెతో మర్దనా చేసుకునేవారు ఈసారి కాస్త కండిషనర్​ను రాసి మర్దన చేసి ఐదు నిమిషాల తర్వాత కడిగేయండి. మృదువైన గోళ్లు మీ సొంతమవుతాయి.

స్క్రబ్​లా

ఈ హెయిర్​ కండిషనర్​ను బాడీ స్క్రబ్​లానూ వాడొచ్చు. పావు కప్పు బ్రౌన్​ షుగర్​లో కొద్దిగా కండిషనర్​, చెంచా నిమ్మరసం వేసి బాగా కలపాలి. ఈ మిశ్రమాన్ని కాళ్లూ, చేతులకు రాసుకొని మృదువుగా మర్దనా చేసుకోవాలి. బ్రౌన్​ షుగర్​ శరీరంపై ఉండే మృతకణాలను తొలగిస్తే... నిమ్మరసం మురికిని పోగుడుతుంది. అలాగే కండిషనర్​ చర్మానికి పోషణను అందించి మృదువుగా ఉంచుతుంది.