గెలిస్తే చిన్న వయసు ఎంపీగా మన వాడే: తలసాని

సికింద్రాబాద్​లో తమ అభ్యర్థి గెలుపు ప్రణాళిక కోసం తెరాస కార్యకర్తలతో సమావేశమైంది. మంత్రి తలసాని.. బంజారా హిల్స్​లో దానం నాగేందర్ నివాసంలో స్థానిక కార్యకర్తలను కలిశారు. అందరం కలిసి సాయి కిరణ్ యాదవ్ విజయానికి కృషి చేయాలని తలసాని సూచించారు.

సికింద్రాబాద్ పార్లమెంట్ నియోజకవర్గ పరిధి బంజారాహిల్స్​లోని దానం నాగేందర్ నివాసంలో ఖైరతాబాద్​ తెరాస ముఖ్య కార్యకర్తలతో సమావేశం నిర్వహించారు. సమయం తక్కువగా ఉన్నందున సమష్టి కృషితో సికింద్రాబాద్​ నుంచి సాయి కిరణ్ యాదవ్​ను ఎంపీగా గెలిపించుకోవాలని మంత్రి తలసాని సూచించారు.

సమావేశానికి ముందు దానం, కార్పొరేటర్ విజయా రెడ్డి వర్గీయుల మధ్య స్వల్ప వివాదం చోటు చేసుకుంది. భేటీలో దానం ఆ విషయాన్ని ప్రస్తావించారు. వివాదాలు లేకుండా అందరం ఒక్క తాటిపై నిలిచి సాయి కిరణ్​ను గెలిపించుకోవాలని సూచించారు.

ఇవీ చూడండి :హస్తం​ను వీడి... కారెక్కుతున్న సునీతా..!