IAS Krishnaiah Murder Case: ఆ విడుదల సరికాదు... సుప్రీంను ఆశ్రయించిన కృష్ణయ్య భార్య

IAS Krishnaiah wife approached the Supreme Court: తెలుగు ఐఏఎస్​ అధికారి జి. కృష్ణయ్య హత్య కేసులో జైలు నుంచి విడుదలైన మాజీ ఎంపీ ఆనంద్​ మోహన్​కు వ్యతిరేకంగా కృష్ణయ్య భార్య సుప్రీం కోర్టును ఆశ్రయించారు. జైలు శిక్ష అనుభవిస్తున్న ఆయనను ప్రత్యేక సవరణలు చేసి ఇలా విడుదల చేయడంతో.. సమాజంలోకి తప్పుడు సంకేతాలు వెళ్తాయని సుప్రీంలో పిటిషన్​ దాఖలు చేశారు. కృష్ణయ్య హత్యకేసులో ఆనంద్​ మోహన్​ గురువారం జైలు నుంచి విడులయిన సంగతి తెలిసిందే..

IAS Krishnaiah wife approached the Supreme Court: 1994లో సంచలనం సృష్టించిన తెలుగు ఐఏఎస్​ అధికారి జి. కృష్ణయ్య హత్య కేసులో శిక్ష అనుభవిస్తున్న బిహార్​ మాజీ ఎంపీ ఆనంద్​ మోహన్​ గురువారం ఉదయం సహర్సా జైలు నుంచి విడుదలయ్యారు. దీనిని వ్యతిరేకిస్తూ కృష్ణయ్య భార్య ఉమా ఇవాళ సుప్రీం కోర్టును ఆశ్రయించారు. కృష్ణయ్య హత్య కేసులో శిక్ష అనుభవిస్తున్న ఆనంద్​ మోహన్​ 14ఏళ్లుగా జీవిత ఖైదీగా శిక్ష అనుభవిస్తున్నాడు.

ఆ తరువాత బిహార్​ ప్రభుత్వం జైలు మాన్యువల్‌లో ఉన్న చట్టలకు సవరణలు చేసి ఆనంద్​ మోహన్​ను విడుదల చేసింది. దీనిపై కృష్ణయ్య భార్య తీవ్ర అభ్యంతరం వ్యక్తం చేశారు. "జీవిత ఖైదు, మరణశిక్షకు ప్రత్యామ్నాయంగా విధించబడినప్పుడు, కోర్టు నిర్దేశించిన విధంగా ఖచ్చితంగా శిక్ష అమలు చేయాలని" పిటిషన్​లో పేర్కొన్నారు. బిహార్ సర్కార్ నిర్ణయంపై దళిత సంఘాలు సైతం ఆందోళన వ్యక్తం చేస్తున్నాయి.

బిహార్​ ప్రభుత్వానికి వ్యతిరేకంగా నిరసనలు వ్యక్తం చేస్తున్నాయి. దీనిపై సివిల్ సర్వెంట్స్​ సంఘం సైతం అభ్యంతరం వ్యక్తం చేశాయి. ఈ నిర్ణయంపై మరోమారు పునఃసమీక్షించుకోవాలని కోరింది. దీనిపై బీజేపీ రాష్ట్ర అధ్యక్షుడు బండి సంజయ్​ సైతం స్పందించారు. జైలు నుంచి విడుదలైన ఆనంద్‌మోహన్‌ హైదరాబాద్‌కు వచ్చి క్రిష్ణయ్య కుటుంబ సభ్యులను కలవబోతున్నారన్న సమాచారం మనసును కలచివేస్తోందన్నారు. ఆయన్ను హైదరాబాద్‌లో అడుగుపెట్టనిచ్చేదిలేదని తేల్చి చెప్పారు.

హత్య జరిగిన రోజు: అది 1994 సంవత్సరం అప్పటి ఉమ్మడి ఆంధ్రప్రదేశ్​కు చెందిన ఐఏఎస్​ అధికారి బిహార్​లోని గోపాల్​గంజ్​లో విధులు నిర్వహిస్తున్నారు. సమాజంలో, జర్నలిస్టు వర్గాల్లో మంచి పేరున్న కృష్టయ్యకు అప్పటికే భార్య ఉమా, ఇద్దరు పిల్లలు ఉన్నారు. విధి నిర్వహణలో మంచి పేరు ప్రఖ్యాతలు సంపాదించుకున్నారు. డిసెంబర్​ 4వ తేదీన హాజీపూర్​లో ముఖ్యమైన మీటింగ్​కు వెళ్లి వస్తున్న ఆయన్ను కొందరు వ్యక్తులు అడ్డగించారు.

ఆ తరువాత పరుష పదజాలంతో దూషించారు. కారులో నుంచి ఆయన్ను బయటకు లాగి రాళ్లతో కొట్టారు. తీవ్ర గాయాలపాలైన కృష్ణయ్య మృతి చెందారు. ఆ తరువాత 2007లో ఈ కేసులో ఆనంద్​ మోహన్​కు స్థానిక కోర్టు మరణశిక్ష విధించింగా.. ఆ తరువాత పాట్నా కోర్టు జీవితకాలం శిక్ష విధించింది. ఆ తరువాత సుమారు 14ఏళ్లు జైలు శిక్ష అనుభవించారు.

ఈ ఏడాది ఏప్రిల్​ 10వ తేదీన నితీష్​ ప్రభుత్వం బీహార్​జైలు మాన్యువల్​కు సవరణలు చేసి 14 సంవత్సరాలు మించి శిక్ష అనుభవిస్తున్న కొందరిని విడుదల చేసింది. ఇందులో ఆనంద్​ మోహన్ పేరు కూడా ఉంది. దీంతో ఆయన్ను గురువారం విడుదల చేశారు.

రాజ్​పుత్​ ఓటు బ్యాంక్​ కోసమేనా..!: దీనిపై రాజకీయ వర్గాల నుంచి తీవ్ర వ్యతిరేకత వస్తోంది. ఆనంద్​ మోహన్​ రాజ్​పుత్​ వర్గానికి చెందిన నాయకుడు. ఆనంద్​ను విడుదల చేయడం వలన నితీష్​ వర్గానికి రాజ్​పుత్​లు నుంచి బలం చేకూరుతుందని విశ్లేషకుల అంచనా.. అందువల్లే జైలు మాన్యువల్​లో మార్పులు చేసి నితీష్​ ప్రభుత్వం ఈ నిర్ణయం తీసుకుందని ప్రతిపక్షాలు ఆరోపిస్తున్నాయి.

ఇవీ చదవండి: