Hyderabad Steel Bridge Features : భాగ్యనగర సిగలో మరో మణిహారం.. స్టీల్​ బ్రిడ్జి ప్రత్యేకతలు ఇవే..?

Hyderabad Steel Bridge Features : హైదరాబాద్ నగరంలో మరో మణిహారం అందుబాటులోకి రాబోతోంది. ఇటీవల నగరంలో రోడ్లు విస్తృతంగా జీహెచ్ఎంసీ అభివృద్ధి చేస్తోంది. అందులో భాగంగా దక్షిణ భారత దేశంలోన అతిపొడవైన స్టీల్ బ్రిడ్జ్​గా పేరుగాంచిన ఇందిరా పార్కు వద్ద స్టీల్ బ్రిడ్జ్ ప్రారంభానికి సర్వం సిద్ధమైంది. శనివారం ఉదయం 10 గంటలకు పురపాలక శాఖ మంత్రి కేటీఆర్ చేతుల మీదుగా ప్రారంభించేందుకు బల్దియా ఏర్పాట్లు చేస్తోంది. ఈ బ్రిడ్జి అందుబాటులోకి వస్తే ఇందిరా పార్కు రూట్​లో ట్రాఫిక్ ఇక్కట్లు తప్పనున్నాయి.

Hyderabad Steel Bridge Opening Ceremony : హైదరాబాద్​ ట్రాఫిక్​ కష్టాలను తీర్చేందుకు జీహెచ్​ఎంసీ మరో ఫ్లై ఓవర్​ను అందుబాటులోకి తీసుకురానుంది. ఎస్.ఆర్.డి.పి ద్వారా రూ.450 కోట్ల వ్యయంతో చేపట్టిన మొట్ట మొదటి స్టీల్ ఫ్లై ఓవర్​గా (Steel Bridge) నిలవనున్నది. నగరంలోని ఇందిరా పార్కు వద్ద నిర్మించిన ఈ నిర్మాణం.. మిగితా ఫ్లై ఓవర్​ల కంటే భిన్నంగా మొత్తం స్టీల్​తో పూర్తి చేశారు. మొట్ట మొదటి సారిగా మెట్రో బ్రిడ్జిపై (Metro Bridge)నుంచి ఫ్లై ఓవర్ చేపట్టడం జరిగింది. ఈ ఫ్లై ఓవర్ బ్రిడ్జి గ్రేటర్​లో సిగ్నల్ ఫ్రీ రవాణా వ్యవస్థతో పాటు సకాలంలో గమ్యస్థానానికి చేరే అవకాశం ఉంటుంది.

ఇంది అందుబాటులోకి వస్తే.. 4 జంక్షన్​లో ట్రాఫిక్ ఇబ్బందులు తొలగిపోతాయని బల్దియా అధికారులు చెబుతున్నారు. ఫ్లై ఓవర్ స్టీల్ బ్రిడ్జి సివిల్ వర్క్స్, యుటిలిటీ లిఫ్టింగ్, ఇతర ఖర్చులతో మొత్తం రూ. 450 కోట్ల వ్యయంతో చేపట్టి పూర్తి చేసింది. ఈ స్టీల్ బ్రిడ్జ్ వలన ఇందిరా పార్కు నుంచి వి.ఎస్.టి. స్టీల్ ఫ్లై ఓవర్ (ఎలివేటెడ్ కారిడార్) వలన రవాణా సౌకర్యం మెరుగు పడుతుంది. ఆర్​టీసీ క్రాస్​ రోడ్డు (RTC Cross Road) వద్ద విపరీతమైన ట్రాఫిక్ రద్దీ పోతుంది. ఉస్మానియా యూనివర్సిటీ (OU), హిందీ మహా విద్యాలయం వరకు వెళ్లేందుకు ప్రయాణ సమయం తగ్గుతుంది.

Hyderabad Steel Bridge Uses : ఇందిరా పార్క్, అశోక్ నగర్, అర్​టీసీ క్రాస్​ రోడ్​లో ట్రాఫిక్ సమస్య లేకుండా బాగ్ లింగంపల్లి వి.ఎస్.టి. జంక్షన్ వరకు సులభంగా చేరుకోవచ్చు. హైదరాాబాద్​లో ఆధునిక రోడ్డు రవాణా వ్యవస్థకు రాష్ట్ర ప్రభుత్వం శ్రీకారం చుట్టింది. వాహనాల సంఖ్య విస్తృతంగా పెరగడంతో ట్రాఫిక్, కాలుష్య సమస్యలు (Pollution problems), ప్రయాణ సమయం తగ్గించడం, సగటు వేగం పెంచడం కోసం జీహెచ్ఎంసీ (GHMC) కొన్ని లక్ష్యాలు చేపట్టింది. ఇందులో భాగంగా మొత్తం 45 పనులు లక్ష్యంగా పెట్టుకోగా.. ఇప్పటి వరకు 35 పనులు పూర్తయ్యాయి.

హైదరాబాద్​ స్టీల్​ బ్రిడ్జి ప్రత్యేకతలు

Naini Narsimha Reddy Flyover at Indira Park : ఇందిరా పార్కు నుంచి వి.ఎస్.టి స్టీల్ బ్రిడ్జి 20వ ఫ్లై ఓవర్​ను మంత్రి కేటీఆర్ శనివారం ప్రారంభించనున్నారు. ఇంతకు ముందు 19 ఫ్లై ఓవర్లు, 5 అండర్ పాస్​లు, 7 ఆర్.ఓ.బి, ఆర్.యు.బిలు, 1 కేబుల్ స్టయిడ్ బ్రిడ్జి, పంజాగుట్ట స్టీల్ బ్రిడ్జి, పంజాగుట్ట రోడ్డు వెడల్పు, పనులు పూర్తయ్యాయి. మిగతా 12 పనులు 2023 డిసెంబర్ నాటికి పూర్తి చేయాలని బల్దియా లక్ష్యంగా పెట్టుకుంది.

Hyderabad Steel Bridge Features : ఇందిరా పార్కు నుంచి వి.ఎస్.టి వరకు 2.62 కిలోమీటర్ల పొడవు గల స్టీల్ ఫ్లైఓవర్​ను చేపట్టారు. అందుకు ఎలివేటెడ్ కారిడార్ 2.436 కిలో మీటర్లు కాగా.. అప్ ర్యాంపు 0.106 కి.మి., 0.150 కి.మి. డౌన్ ర్యాంపు 0.078 కి.మి. కలదు. రైట్​ వే 22.20 మీటర్ల నుంచి 36.60 మీటర్లు ఎలివేటెడ్ కారిడార్ కుడి వైపు మార్గం 4 లైన్ల బై డైరెక్షనల్ ఫ్లై ఓవర్(16.60 మీటర్లు,) కలదు. ఫ్లై ఓవర్ వెడల్పు.16.61 మి. కారేజ్​ వే నిర్మించినట్లు అధికారులు తెలిపారు. ఇక ఈ బ్రిడ్జ్ మొత్తానికి మొత్తం 81 పిల్లర్లు, స్టీల్ ఫ్లై ఓవర్ మొత్తం 2620 మీటర్ల పొడవు, స్టీల్​తో నిర్మాణం 2437 మీటర్ల పొడవు, స్పాన్ పొడవు 297 మీటర్లు కాగా వి.ఎస్.టి. అప్ ర్యాంపు 150 మీటర్లు, వి.ఎస్.టి. డౌన్ ర్యాంపు 78 మీటర్ అప్రోచ్ వాల్ చేపట్టారు.