నివాస ప్రాంతం నుంచే కోరుకున్న గ్రామాలకు చేరవేస్తాం

సంక్రాంతి పండగను పురస్కరించుకొని హైదరాబాద్​ డిపో వినూత్న ప్రయోగం చేపట్టింది. ప్రయాణికులు కోరుకుంటే.. వారి నివాస ప్రాంతం నుంచే గమ్య స్థానాలకి చేరవేస్తామని తెలిపింది. దీనికోసం చార్మినార్ డివిజన్ నుంచి 100 బస్​లను నడుపుతున్నామని ప్రకటించింది.

కుటుంబాలతో, బంధుమిత్రులతో కలిసి పండగ కోసం ఊళ్లకు వెళ్లే ప్రయాణికులకు హైదరాబాద్ డిపో వినూత్న ప్రయోగం చేపట్టింది. కొన్ని కుటుంబాలు కలిసి బస్​ను బుక్ చేసుకుంటే వారి నివాస ప్రాంతం నుంచి గమ్య స్థానాలకి చేరవేస్తామని చార్మినార్ డివిజనల్ మేనేజర్ రాములు తెలిపారు. సంక్రాంతి పండుగను పురస్కరించుకుని.. పబ్లిక్ డిమాండ్​ని బట్టి ఇరు తెలుగు రాష్ట్రాలలోని జిల్లాలకు చార్మినార్ డివిజన్ నుంచి 100 బస్​లను నడుపుతున్నామని, మరిన్ని బస్​లను నడపడానికి సిద్ధంగా ఉన్నామని తెలిపారు.

దీనిపై మరిన్ని నిర్ణయాలు తీసుకోవడానికి ఫారూఖ్ నగర్ డిపోలో పలువురు డిపో మేనేజర్లతో రాములు సమావేశమయ్యారు. బస్​లను బుక్ చేయదలచిన వారు ఫలక్​నుమా, ఫారూఖ్ నగర్, రాజేంద్రనగర్​, తదితర డిపో మేనేజర్లను, లేదా డివిజనల్ మేనేజర్​లను సంప్రదించాలని ప్రజలను కోరారు. ఈ అవకాశాన్ని సద్వనియోగం చేసుకోవాలని సూచించారు. ఈ సమావేశంలో ఫారూఖ్ నగర్ డిపో మేనేజర్ కె కుమార్, ఫలక్​నుమా డిపో మేనేజర్ ఇసాక్, తదితరులున్నారు పాల్గొన్నారు.

ఇదీ చూడండి: అచ్చు పులిలా ఉంది.. ఊరిని భయపెట్టిన గ్రామసింహం..!