How to Apply for Telangana Chenetha Mitra Scheme: "చేనేత మిత్ర" పథకానికి​.. ఇలా అప్లై చేసుకోండి!

How to Apply for Telangana Chenetha Mitra Scheme: రాష్ట్రంలోని నేత‌న్న‌లకు ఆర్థికంగా భరోసా కల్పించేందుకు తెలంగాణ ప్రభుత్వం "చేనేత మిత్ర" అనే ప‌థ‌కాన్ని ప్రవేశపెట్టింది. మరి దీనికి అర్హులు ఎవరు..? ఎలా అప్లై చేసుకోవాలి..? వంటి వివరాలను ఇక్కడ తెలుసుకుందాం.

How to Apply Telangana Chenetha Mitra Scheme: రాష్ట్రంలోని చేనేత కార్మికుల ప్రయోజనాల కోసం తెలంగాణ ప్రభుత్వం.. "చేనేత మిత్ర" పథకాన్ని ప్రవేశపెట్టింది. చేనేత కార్మికులకు ఆర్థిక సహాయం అందజేసి.. వారి జీవన ప్రమాణాలను మెరుగుపర్చడం ఈ పథకం లక్ష్యం. చేనేత మిత్ర పథకం కింద.. అందరికీ ఒకే విధమైన ఆర్థిక సహాయం అందుతుంది. మరి, ఈ స్కీమ్​కు అర్హత ప్రమాణాలేంటి? ఎలా దరఖాస్తు చేయాలి? వంటి వివరాలను ఇక్కడ తెలుసుకుందాం.

తెలంగాణ "చేనేత మిత్ర" పథకం ప్రయోజనాలు..

• తెలంగాణ రాష్ట్రంలోని చేనేత కార్మికుల కోసం చేనేత మిత్ర పథకం ప్రారంభించబడింది.
• ఈ కార్యక్రమం ద్వారా చేనేత కార్మికులకు రాష్ట్ర ప్రభుత్వం ఆర్థిక సాయం అందించనుంది.
• లబ్ధిదారులు డీబీటీ ద్వారా ఈ ఆర్థిక సహాయాన్ని వెంటనే వారి బ్యాంకు ఖాతాల్లోకి అందుకుంటారు.
• ఈ పథకం కింద అందే ఆర్థిక సహాయం మొత్తం రూ.3,000
• ఈ పథకానికి ఆన్‌లైన్లో లేదా.. ఆఫ్‌లైన్లో దరఖాస్తులు సమర్పించవచ్చు.

తెలంగాణ చేనేత మిత్ర పథకానికి అర్హత ప్రమాణాలు: చేనేత మిత్ర పథకం కోసం దరఖాస్తు చేసుకునే వారంతా.. తప్పనిసరిగా ఈ కింది అర్హతా ప్రమాణాలు కలిగి ఉండాలి.

• తెలంగాణ రాష్ట్రంలో శాశ్వతంగా నివసించాలి.
• దరఖాస్తుదారు బ్యాంకు ఖాతా.. ఆధార్‌తో అనుసంధానమై ఉండాలి.

దరఖాస్తు చేయడానికి అవసరమైన పత్రాలు

• పాస్‌పోర్ట్ సైజు ఫొటో
• ఆధార్ కార్డ్
• పాన్ కార్డ్
• ఓటరు కార్డు
• మొబైల్ నంబర్
• శాశ్వత సర్టిఫికేట్
• ఆదాయ ధ్రువీకరణ పత్రం
• బ్యాంక్ ఖాతా వివరాలు
• పాస్‌బుక్ ఫొటోకాపీ
• ఇ-మెయిల్ ఐడీ

తెలంగాణ చేనేత మిత్ర పథకం 2023 కోసం దరఖాస్తు చేయడం ఎలా..?

How to Apply Chenetha Mitra :

• ముందుగా టీఎస్​ చేనేత అధికారిక వెబ్‌సైట్‌కి వెళ్లండి.(https://handtex.telangana.gov.in/Default.aspx)
• ఆ తర్వాత External Linksలో Chenetha Mitra ఆప్షన్​పై క్లిక్​ చేయండి.
• లాగిన్​ కాలమ్​లో Sign Up ఆప్షన్​పై క్లిక్​ చేయండి.
• అక్కడ పేరు, ఫోన్​ నెంబర్​, మెయిల్​ ఐడీ వివరాలు ఎంటర్​ చేసి Submit ఆప్షన్​పై క్లిక్​ చేయండి.
• తర్వాత హోమ్​ పేజీలోకి వెళ్లి వివరాలు ఎంటర్​ చేసి Login ఆప్షన్​పై క్లిక్​ చేయండి.
• మీకు స్క్రీన్‌పై దరఖాస్తు ఫారమ్ ఓపెన్​ అవుతుంది.
• అక్కడ అవసరమైన అన్ని వివరాలనూ ఎంటర్​ చేయండి.
• ఆ తర్వాత సమర్పించాల్సిన పత్రాలను కూడా అప్‌లోడ్ చేయండి.
• తర్వాత మీ బ్యాంక్ వివరాలను నమోదు చేయండి.
• చివరగా, దరఖాస్తు ప్రక్రియను పూర్తి చేయడానికి Submit బటన్‌పై క్లిక్ చేయండి.