జవాన్​లు ప్రాణాలు కోల్పోవడం బాధాకరం: మహమూద్​ అలీ

ఛత్తీస్​గఢ్​ బీజాపుర్​ ఎన్​కౌంటర్​ ఘటనలో జవాన్​లు ప్రాణాలు కోల్పోవడం బాధాకరమని హోంమంత్రి మహమూద్​ అలీ విచారం వ్యక్తం చేశారు. అమరుల కుటుంబాలకు తన ప్రగాఢ సానుభూతి ప్రకటించారు.

ఛత్తీస్​గఢ్​లో మావోయిస్టుల దుశ్చర్యపై హోంమంత్రి మహమూద్ అలీ దిగ్భ్రాంతి వ్యక్తం చేశారు. మావోల కాల్పుల్లో జవాన్​లు ప్రాణాలు కోల్పోవడం బాధాకరమన్నారు.

అదే రాష్ట్రంలో గత నెలలో మావోయిస్టుల దాడిలో ఐదుగురు భద్రతా సిబ్బంది అసువులు బాసిన ఘటన మరువకముందే.. తిరిగి ఈ ఘటన చోటుచేసుకోవడం తనను కలచివేసిందన్నారు. జవానుల కుటుంబాలకు తన ప్రగాఢ సానుభూతి ప్రకటించారు.