"మైనార్టీల్లో ఐఏఎస్, ఐపీఎస్​ల సంఖ్య పెరగాలి"

మైనార్టీ వర్గం నుంచి సివిల్స్‌ చదివే వారి సంఖ్య ఎక్కువగా లేదని హోంమంత్రి మహమూద్​ అలీ విచారం వ్యక్తం చేశారు. మైనార్టీల్లో ఐఏఎస్, ఐపీఎస్​ల సంఖ్య పెరగాల్సిన అవసరం ఉందన్నారు. హైదరాబాద్ హిమాయత్​నగర్​లోని మదీనా విద్యాసంస్థల సిల్వర్‌ జూబ్లీ వేడుకల్లో ఆయన మాట్లాడారు.

మన రాష్ట్రానికి చెందిన మైనార్టీల్లో ఐఏఎస్​, ఐపీఎస్​లు చాలా తక్కువ మంది ఉన్నారని హోంశాఖ మంత్రి మహమూద్​ అలీ అన్నారు. హైదరాబాద్ హిమాయత్​నగర్​లోని మదీనా విద్యాసంస్థల సిల్వర్‌ జూబ్లీ వేడుకల్లో హోంమంత్రి పాల్గొన్నారు. మైనార్టీ వర్గం నుంచి సివిల్స్‌ చదివే వారి సంఖ్య ఎక్కువగా లేదని ఆయన విచారం వ్యక్తం చేశారు. ఇప్పటికైనా సివిల్స్​పై ప్రతి ఒక్కరూ దృష్టి సారించాలని కోరారు. అందరూ ఇంజినీర్, డాక్టర్‌ వృత్తిలకే అధిక ప్రాధాన్యతనిస్తున్నారన్నారు. తెరాస ప్రభుత్వం రాకముందు మైనార్టీల కోసం చాలా తక్కువ విద్యాసంస్థలు ఉండేవని... అధికారంలోకి వచ్చాక 2,400 రెసిడెన్షియల్‌ స్కూల్స్‌ ఏర్పాటు చేశామన్నారు.

ఇవీ చూడండి: మండలి చైర్మన్​గా సమర్థవంతంగా పనిచేస్తా: గుత్తా