HMDA-lands-selling-at-huge-price-in-Budvel : బుద్వేల్​లోనూ హెచ్​ఎండీఏపై కనకవర్షం.. 100 ఎకరాలు రూ.3625 కోట్లు

HMDA-lands-selling-at-huge-price-in-Budvel : భాగ్యనగరంలోని భూములకు కోట్ల వర్షం కురుస్తోంది. హెచ్​ఎండీఏ ఈ-వేలం ద్వారా భూములు విక్రయిస్తోంది. ఈ వేలంలో ప్రభుత్వానికి భారీ మొత్తంలో ఆదాయం సమకూరుతుంది. తాజాగా రంగారెడ్డి జిల్లాలోని బుద్వేల్​ భూములకు వేలం నిర్వహించారు. 100.01 ఎకరాల భూమి రూ.3625.73 కోట్ల ధర పలికింది.

HMDA-lands-selling-at-huge-price-in-Budvel : హైదరాబాద్​ శివారు ప్రాంతాల్లోని భూములకు రెక్కలు వస్తున్నాయి. తాజాగా రంగారెడ్డి జిల్లాలోని రాజేంద్రనగర్​లో బుద్వేల్ భూముల(Budvel Lands) వేలం కొనసాగుతోంది. ఇక్కడ కూడా అధిక స్థాయిలో భూములు(Lands) ధర పలుకుతున్నారు. బుద్వేల్ భూముల వేలంలో 100.01 ఎకరాల్లో మొత్తం 14 ప్లాట్లు రూ.3625.73 కోట్లు ఆదాయం వచ్చింది. అత్యధికంగా మూడు ప్లాట్లు రూ.40 కోట్ల కంటే ఎక్కువ ధర పలికాయి. అత్యధికంగా​ ఎకరా ధర రూ.41.75 కోట్లు పలకగా.. అత్యల్పంగా ఎకరా ధర రూ.33.25 కోట్లు ధర పలికింది. ఎకరాకు రూ.36.25 కోట్ల ధర పలికింది.

తొలిసెషన్ లో 1, 2, 4, 5, 8, 9, 10 ప్లాట్లకు ఈ-వేలం(E-Auction) జరిగింది. బుద్వేల్ భూముల తొలి సెషన్ లో 58.19 ఎకరాల ఈ-వేలం‌పాట ఎకరా ధర ప్లాట్స్ వైజ్​గా జరిగింది. ఈ వేలంలో రూ.2061 కోట్ల ఆదాయం వచ్చింది. ప్లాట్ నంబర్ 1 ఎకరం ధర రూ.34.50 కోట్లు, ప్లాట్ 2 ఎకరం ధర రూ.33.25 కోట్లు, ప్లాట్ 5 ఎకరం ధర రూ.33.25 కోట్లు, ప్లాట్ 8 ఎకరం ధర రూ.35.50 కోట్లు, ప్లాట్ 9 ఎకరం ధర రూ.33.75 కోట్లు, ప్లాట్ 10 ఎకరం ధర రూ.35.50 కోట్లు పలికాయి. ఇవాళ మొత్తం 100 ఎకరాలకు ఈ-వేలం హెచ్ఎండీఏ నిర్వహిస్తోంది. అందులో 58.19 ఎకరాలు తొలి సెషన్ పూర్తయ్యింది. మిగిలిన 41.81 ఎకరాలకు సెకండ్ సెషన్ వేలం పాట మొదలై.. రూ.1564 కోట్లు ఆదాయం వచ్చింది.

Kokapet Lands E-Auction In Hyderabad : అలాగే అంతకు ముందు హైదరాబాద్​, రంగారెడ్డిలో నిర్వహించిన హెచ్​ఎండీఏ ఈ-వేలంలో భూములు రికార్డు ధరను పలికాయి. కోకాపేట భూములైతే గత రికార్డులను చేరిపేశాయి. 45.33 ఎకరాల నియో పొలిస్​ భూములకు వేలంలో ఏకంగా ఎకరా భూమి రూ.100.75 కోట్ల ధర పలికింది. అత్యల్పంగా ఎకరం భూమి రూ.67.25 కోట్లు పలికింది. ఈ భూముల వేలం ద్వారా హెచ్​ఎండీఏకు రూ.3,319.60 కోట్ల ఆదాయం సమకూరినట్లు తెలుస్తోంది. ఈ భూముల కోసం స్థిరాస్తి సంస్థలు నువ్వానేనా అన్నట్లు పోటాపోటీ పడ్డాయి. ఇప్పటికే తొలి విడత వేలంలో కొంత భూమిని విక్రయించగా అత్యధికంగా ఎకరం రూ.60 కోట్లకు అమ్ముడుపోయింది.

HMDA Layouts Mokila Lands E-Auction 2023 : హైదరాబాద్​ నగర శివారులో ఉన్న మోకిలలో 165 ఎకరాల్లో హెచ్​ఎండీఏ లే అవుట్​లో తొలి విడత 15,800 చదరపు గజాల్లోని 50 ప్లాట్లను రూ.121.40 కోట్లకు విక్రయించారు. దీంతో ప్రభుత్వానికి భారీగానే ఆదాయం సమకూరింది. రెండో విడతలో 50 నుంచి 100 ప్లాట్ల ఈ-వేలానికి హెచ్​ఎండీఏ సిద్ధమవుతుంది.

HMDA e-Auction Shabad Lands : రంగారెడ్డిలోని షాబాద్​లోని ప్లాట్లను కూడా హెచ్​ఎండీఏ విక్రయించింది. 50 ఓపెన్​ ప్లాట్లను ఈ-వేలం ద్వారా చదరపు గజం గరిష్ఠంగా రూ.27 వేలుగా.. కనిష్ఠంగా రూ.18 వేలుగా పలికింది. దీంతో 50 ప్లాట్లను రూ.33.6 కోట్లకు విక్రయించడంతో ప్రభుత్వానికి భారీగానే ఆదాయం సమకూరింది.