High temperatures: రాష్ట్రంలో భానుడి భగభగలతో ఎండల తీవ్రత పెరుగుతోంది. ప్రజలు పగలు బయటకు రావాలంటే జంకుతున్నారు. ఎర్రటి ఎండలో రెండు నిమిషాలు ఉండలేకపోతున్నారు. మార్చిలోనే మే నెలను తలపిస్తున్న ఎండలను చూసి ఆందోళన చెందుతున్నారు. అత్యవసర పరిస్థితుల్లో మాత్రమే మధ్యాహ్నంపూట బయటకు వస్తున్నారు. రాష్ట్రంలో రాగల 4రోజులలో గరిష్ఠ ఉష్ణోగ్రతలు క్రమంగా 2నుంచి 4డిగ్రీల సెల్సియస్‌ వరకు కొన్ని చోట్ల పెరిగే అవకాశం ఉందని హైదరాబాద్ వాతావరణ కేంద్రం వెల్లడించింది.
ఏప్రిల్‌ 1, 2 తేదీలలో ఉత్తర వాయవ్య జిల్లాల్లో వడగాలులు వచ్చే అవకాశాలున్నాయని వాతావరణ కేంద్రం సంచాలకులు ప్రకటించారు. మూడు రోజుల పాటు పొడి వాతావరణం ఏర్పడే అవకాశాలున్నాయని సంచాలకులు విడుదల చేసిన ప్రకటనలో పేర్కొన్నారు. ఈ రోజు ఉపరితల ద్రోణి ఇంటీరియర్ ఒడిశా నుంచి చత్తీస్‌గఢ్ మీదుగా తెలంగాణ వరకు సగటు సముద్ర మట్టం నుంచి సుమారు 0.9కి.మీ ఎత్తు వరకు కొనసాగుతుందని వివరించారు.
ఇదీ చదవండి:
