బల్దియా ఎన్నికల్లో స్వస్తిక్ గుర్తు కాకుండా స్టాంపు వేసినా ఓట్లుగా పరిగణించాలంటూ రాష్ట్ర ఎన్నికల సంఘం జారీ చేసిన సర్క్యులర్పై హైకోర్టు విచారణ చేపట్టింది. ఈ మేరకు సర్క్యులర్ అమలును ఉన్నత న్యాయస్థానం నిలిపివేసింది. స్టాంపు, టిక్ పెట్టిన ఓట్లను ప్రత్యేకంగా లెక్కించాలని ఎస్ఈసీకి ఆదేశాలు జారీ చేసింది. ఈ క్రమంలోనే ప్రత్యేక ఓట్ల కంటే మెజార్టీ ఎక్కువగా ఉంటే ఫలితం ప్రకటించవచ్చన్న హైకోర్టు.. మెజార్టీ తక్కువగా ఉంటే ఫలితాన్ని నిలిపివేయాలని స్పష్టం చేసింది.
ఇదీ అసలు సంగతి..
జీహెచ్ఎంసీ ఎన్నికల్లో బ్యాలెట్‌ పత్రాల్లో స్వస్తిక్ గుర్తు ఉన్న వాటినే కాకుండా సంబంధిత పోలింగ్‌ కేంద్రాన్ని సూచించే స్టాంపు వేసినా ఓట్లుగా పరిగణించాలంటూ రాష్ట్ర ఎన్నికల సంఘం గురువారం అర్ధరాత్రి ఉత్తర్వులు జారీ చేసింది. ఈ నేపథ్యంలో ఎస్ఈసీ జారీ చేసిన సర్క్యులర్ను సవాల్ చేస్తూ హైకోర్టులో పిటిషన్ దాఖలైంది. పిటిషన్పై విచారణ జరిపిన ఉన్నత న్యాయస్థానం సర్క్యులర్ అమలును నిలిపివేసింది.
