ఆసియా ఉత్తమ వంద మంది శాస్త్రవేత్తల జాబితాలో హైదరాబాద్‌ కేంద్రియ విశ్వవిద్యాలయం(హెచ్‌సీయూ) ఆచార్యుడికి చోటు లభించింది. వర్సిటీలోని భౌతికశాస్త్రం విభాగం ఆచార్యుడు డాక్టర్‌ సురజిత్‌దారా ఈ గౌరవం పొందారు. 2016 నుంచి ఏటా ఆసియా శాస్త్రవేత్తల మ్యాగజైన్‌ ఆధ్వర్యంలో ఈ ఎంపికలు చేస్తున్నారు.
చోటు దక్కించుకోవాలంటే శాస్త్రవేత్త అంతకు ముందు ఏడాదిలో జాతీయ లేదా అంతర్జాతీయ పురస్కారం దక్కించుకోవడంతోపాటు శాస్త్ర పరిశోధన రంగంలో ఆవిష్కరణలు చేసుండాలి. ఇటీవల డా.సురజిత్‌దారా శాస్త్ర, సాంకేతిక విభాగంలో ప్రతిష్ఠాత్మక శాంతిస్వరూప్‌ భట్నాగర్‌ అవార్డు-2020ను దక్కించుకున్నారు. 2015లో స్వర్ణ జయంతి ఫెలోషిప్‌ అవార్డు, 2013లో వర్సిటీ కులపతి అవార్డు, 2012లో భారత భౌతికశాస్త్ర సంఘం నుంచి ఎన్‌ఎస్‌ సత్యమూర్తి మెమోరియల్‌ అవార్డులను కూడా అందుకున్నారు.
ఇదీ చూడండి: మే 31వరకు ఎర్లీ బర్డ్ పథకం గడువు పొడిగింపు
