'రాజ్యాంగానికి లోబడి పనిచేయండి... రాజకీయ నేతల కోసం కాదు'

రాష్ట్ర ఉన్నత న్యాయస్థానాన్ని తప్పుదారి పట్టించొద్దని సీనియర్‌ అధికారులకు కాంగ్రెస్ పార్టీ సూచించింది. ఆర్టీసీ ఉద్యోగుల సమ్మె విషయంలో రాష్ట్ర ప్రభుత్వ సీనియర్‌ అధికారులు ఎవరు కూడా చట్టాన్ని ఉల్లంఘించొద్దని పీసీసీ కోశాధికారి గూడూరు నారాయణ రెడ్డి విజ్ఞప్తి చేశారు.

సీఎం కేసీఆర్‌ ఒత్తిడితోనే బ్యూరోక్రాట్లు, ఇతర అధికారులు న్యాయస్థానాన్ని తప్పుదోవ పట్టిస్తున్నారని పీసీసీ కోశాధికారి గూడూరు నారాయణ రెడ్డి ఆరోపించారు. వాస్తవ గణాంకాలను దాచి...తప్పుడు వివరాలను న్యాయస్థానానికి ఇచ్చారని ధ్వజమెత్తారు. ముఖ్యమంత్రి కేసీఆర్‌ స్వప్రయోజనాలను పరిరక్షించడానికి కాకుండా....చట్టానికి, రాజ్యాంగానికి లోబడి అధికారులు పని చేయాలని గూడూరు సూచించారు. యాభైవేల మంది ఆర్టీసీ ఉద్యోగులు చేస్తున్న పోరాటం..కార్పొరేషన్ మనుగడకే పరిమితం కాదన్న ఆయన... ఈ నెల 31వ తేదీ లోపల సమగ్ర వివరాలు న్యాయస్థానానికి ఇవ్వాలని విజ్ఞప్తి చేశారు.

ఇదీ చూడండి: ప్రశ్నించే గొంతును నులిమేస్తారా..? చాడా వెంకట్​రెడ్డి