Honor Killing: నాగరాజు హత్యోదంతంపై నివేదిక కోరిన గవర్నర్ తమిళిసై

Governor on Honor killing Case: మతాంతర వివాహం చేసుకుందనే కోపంతో సోదరి భర్తపై.. ఆమె సోదరుడు ఇనుపరాడ్లు, కత్తులతో దాడి చేసి హతమార్చిన ఘటన రాష్ట్రవ్యాప్తంగా సంచలనం సృష్టించింది. కాగా నిందితులను పోలీసులు అరెస్టు చేశారు. అయితే ఈ ఘటనపై గవర్నర్​ తమిళిసై స్పందించారు. నాగరాజు హత్యోదంతంపై నివేదిక ఇవ్వాలని రాష్ట్ర ప్రభుత్వాన్ని తమిళిసై కోరారు.

Governor on Honor killing Case: హైదరాబాద్​ సరూర్​నగర్​లో బుధవారం రాత్రి జరిగిన నాగరాజు హత్యోదంతంపై గవర్నర్ తమిళిసై సౌందరరాజన్ నివేదిక కోరారు. మతాంతర వివాహం చేసుకున్న నాగరాజు దారుణ హత్యకు గురయ్యారన్న మీడియా కథనాలపై గవర్నర్ తమిళిసై స్పందించారు. ఘటనపై సమగ్ర నివేదిక ఇవ్వాలని రాష్ట్ర ప్రభుత్వాన్ని కోరారు. కాగా ఈ పరువు హత్యపై మంత్రి కేటీఆర్​ సైతం గురువారం స్పందించారు. నిందితులకు చట్టప్రకారం కఠిన శిక్షలు పడేలా చర్యలు తీసుకోవాలని ట్వీట్ చేశారు.

అసలేం జరిగిదంటే..: రంగారెడ్డి జిల్లా మర్పల్లి గ్రామానికి చెందిన బిల్లాపురం నాగరాజు, మర్పల్లి సమీపంలోని ఘనాపూర్‌ గ్రామంలో నివసించే సయ్యద్‌ ఆశ్రిన్‌ సుల్తానా.. ఏడేళ్ల నుంచి ప్రేమించుకుంటున్నారు. పెద్దలు ఒప్పుకోకపోవడంతో ఆర్యసమాజ్​లో వివాహం చేసుకున్నారు. సేల్స్​మెన్​గా ఉద్యోగం చేస్తున్న నాగరాజు.. కొద్దినెలల కిందట ఆశ్రిన్​తో కలిసి విశాఖపట్నంలో ఉంటూ.. ఇటీవలే హైదరాబాద్​ సరూర్​నగర్​కు మకాం మార్చారు.

వీరి కదలికలపై కన్నేసిన ఆశ్రిన్​ సోదరుడు.. తన బంధువు, స్నేహితుడితో కలిసి నాగరాజు హత్యకు పథకం రచించాడు. బుధవారం రాత్రి 9 గంటల సమయంలో వీరు బైక్​పై బయటకు వెళ్తుండగా.. బండి ఆపి మారణాయుధాలతో దాడి చేసి హతమార్చారు. అనంతరం అక్కడి నుంచి పరారయ్యారు. నిందితుల కోసం గాలింపు చేపట్టిన పోలీసులు ఎట్టకేలకు యువతి సోదరుడు, బావను పట్టుకుని అరెస్టు చేశారు.

ఇవీ చదవండి: మరో పరువు హత్య.. నడిరోడ్డుపై ఇనుప రాడ్లు, కత్తులతో దాడి.. ఇద్దరు అరెస్ట్​