'నాణ్యమైన విద్యకు ప్రణాళికలు రూపొందించండి'

రాష్ట్రంలోని విశ్వవిద్యాలయాల్లో నెలకొన్న సమస్యల పరిష్కారం కోసం ప్రభుత్వంతో చర్చిస్తానని గవర్నర్ తమిళిసై సౌందరరాజన్ తెలిపారు. ఇవాళ ఛాన్సులర్ హోదాలో ఇన్​ఛార్జి వీసీలు, విద్యాశాఖ అధికారులతో గవర్నర్​ సమావేశమయ్యారు.

రాష్ట్రంలోని విశ్వవిద్యాలయాల్లో నాణ్యమైన విద్య అందేలా నిర్దిష్టమైన ప్రణాళికలు రూపొందించాలని గవర్నర్​ తమిళిసై సౌందరరాజన్​ ఆదేశించారు. డాక్టర్ బీఆర్ అంబేడ్కర్ సార్వత్రిక విశ్వవిద్యాలయంలో యూనివర్సిటీలు, విద్యాశాఖ అధికారులతో గవర్నర్​ చాన్సలర్​ హోదాలో తొలిసారి సమావేశమయ్యారు. పూర్తిస్థాయి వీసీల నియామకం, ఉన్నత విద్యలో నాణ్యత ప్రమాణాలు, బోధన, బోధనేతర ఖాళీలు, విద్యార్థులకు సదుపాయాలు, తదితర అంశాలపై సుమారుగా 3 గంటలపాటు చర్చించినట్లు సమాచారం. సమావేశానికి ఉన్నత విద్యా మండలి అధికారులు, తొమ్మిది యూనివర్సిటీల ఇన్​ఛార్జి వీసీలు హాజరయ్యారు.

విశ్వవిద్యాలయాల్లో నెలకొన్న సమస్యల పరిష్కారం కోసం ప్రభుత్వంతో చర్చిస్తానని గవర్నర్ హామీ ఇచ్చినట్లు పాపిరెడ్డి పేర్కొన్నారు. యూనివర్సిటీలను మంచి వాతావరణంలో తీసుకువెళ్లాలని గవర్నర్ తెలిపినట్లు ఉన్నత విద్యామండలి ఛైర్మన్ చెప్పారు.

ఇవీ చూడండి:పోలీస్​ అకాడమీలపై చేసే ఖర్చులు వృథా: వీకే సింగ్​