కొత్త సచివాలయంపై రాజాసింగ్ గరం గరం

సీఎం కేసీఆర్​ ఎనిమిదో నిజాంలా తయారయ్యారని ఎమ్మెల్యే రాజాసింగ్​ విమర్శించారు. కేవలం తన పేరు చిరకాలం నిలిచిపోవాలనే దురుద్దేశంతోనే కొత్త సచివాలయ నిర్మాణానికి పూనుకున్నారని ఆరోపించారు.

సచివాలయం కూల్చివేతపై గోషామహల్ ఎమ్మెల్యే రాజాసింగ్ మండిపడ్డారు. నిజాం తన పేరు చిరకాలం ఉండాలని చార్మినార్, అసెంబ్లీ నిర్మిస్తే.. కేసీఆర్ తన పేరు చిరకాలం నిలిచిపోవాలనే పాత సచివాలయాన్ని కూల్చివేసి.. కొత్తది నిర్మిస్తున్నారని విమర్శించారు.

ముఖ్యమంత్రి కేసీఆర్ ఎనిమిదో నిజాంలా తయారయ్యారని రాజాసింగ్​ మండిపడ్డారు. 50 ఏళ్ల వరకు సచివాలయ భవనాలు పని చేస్తాయని నిపుణులు సూచించినా.. కేవలం తన పేరు కోసమే సచివాలయాన్ని కూల్చివేస్తున్నారని దుయ్యబట్టారు. కరోనాతో ప్రజలు చనిపోతున్న ఈ తరుణంలో.. కొత్త సచివాలయాన్ని నిర్మించడం అవసరమా అని ప్రశ్నించారు.