బావ మోసగించాడని.. మరదలి ఆత్మహత్య

తన బావ వేరే అమ్మాయిని పెళ్లి చేసుకున్నాడని తెలియగానే ఓ యువతి ఆత్మహత్య చేసుకుంది. ప్రేమ పేరుతో తనను మోసం చేసి వేరే అమ్మాయిని పెళ్లి చేసుకున్నాడనే మనస్తాపంతోనే బలవన్మరణానికి పాల్పడింది.

ప్రేమపేరుతో తన బావ మోసంచేసి వేరే అమ్మాయిని పెళ్లి చేసుకున్నాడని మనస్తాపంతో ఓ యువతి ఆత్మహత్య చేసుకుంది. ఈ ఘటన హైదరాబాద్​ గాంధీనగర్​ పోలీస్​స్టేషన్​ పరిధిలో చోటుచేసుకుంది. అమ్మాయికి బావ అయిన సంతోష్... ప్రేమిస్తున్నానని చెప్పి లొంగదీసుకున్నాడు. పెళ్లి చేసుకుంటానని నమ్మబలికాడు. వేరే అమ్మాయిని పెళ్లి చేసుకుంటున్నట్లు యువతికి వాట్సప్​ ద్వారా సందేశం పంపాడు. తన బావ చేతిలో మోసపోయినట్లు గుర్తించిన అమ్మాయి... తీవ్ర మనస్తాపంతో విషం తాగి ఆత్మహత్యకు పాల్పడింది. కుటుంబ సభ్యులు హుటాహుటిన ఆస్పత్రికి తరలించినా... ఫలితం లేకపోయింది. వాట్సప్​లో తన బావ పంపించిన సందేశం వల్లే తీవ్ర మనస్తాపానికి గురై బలవన్మరణానికి పాల్పడిందని పోలీసులు వెల్లడించారు.

ఈ కథనం చదవండి : ఆత్మహత్యకు యత్నించిన ఆర్టీసీ డ్రైవర్‌ శ్రీనివాస్‌రెడ్డి మృతి