హైదరాబాద్ ఎల్బీనగర్ నియోజకవర్గ పరిధిలోని సాహెబ్నగర్లో డ్రైనేజీ శుభ్రం చేస్తూ చనిపోయిన ఇద్దర కార్మికులు తమ సిబ్బంది కాదని జీహెచ్ఎంసీ స్పష్టం చేసింది. మృతులు బి. ఎల్లయ్య అనే కాంట్రాక్టర్ వద్ద పనిచేసే వారుగా గుర్తించినట్లు జీహెచ్ఎంసీ అధికారులు ఓ ప్రకటనలో పేర్కొన్నారు. పద్మావతి కాలనీలో చేపట్టిన వరదనీటి లైన్లను శుభ్రపరిచే పనులకు, జీహెచ్ఎంసీకి ఎలాంటి సంబంధం లేదని స్పష్టం చేశారు.
చర్యలు తీసుకుంటాం
గుత్తేదారు ఎల్లయ్యకు సాహెబ్నగర్, వడ్డెర బస్తీ, హరిహరపురం, బాలాజీనగర్, ఎస్‌కేడీ నగర్ తదితర కాలనీల్లోని వరదనీటి మ్యాన్‌హోళ్లు, పైపులైన్ల నుంచి పూడిక తొలగింపు కోసం రూ. 12.70లక్షలతో పనులు అప్పగించామని అధికారులు వివరించారు. బకెట్తో మాత్రమే పూడిక తొలగించేందుకు జీహెచ్ఎంసీ అనుమతిచ్చిందని తెలిపారు. నిబంధనలకు విరుద్ధంగా కాంట్రాక్టర్ పూడికతీత పనులు చేయించారని అధికారులు పేర్కొన్నారు. అతనిపై చర్యలు తీసుకుంటామని చెప్పారు. ఇదీ చదవండి: GHMC: మ్యాన్హోల్లోకి దిగి ఇద్దరి గల్లంతు.. ఒకరి మృతదేహం లభ్యం
మంగళవారం రాత్రి సాహెబ్నగర్ పద్మావతి కాలనీలో వరదనీటి కాలువ నుంచి బకెట్ మెషిన్ ద్వారా చేపట్టిన పూడిక తొలగింపులో ఇద్దరు కార్మికులు మృతి చెందారు. వరదనీటి లైన్ల క్లీనింగ్ కోసం వాళ్లు దాదాపు పది అడుగుల లోతు ఉన్న మ్యాన్హోల్ కవర్ తెరిచారు. ఆ కాలనీల గుండా వెళుతున్న వరద కాలువ.. ఇటీవల వర్షాల కారణంగా నిరంతరం పొంగిపోర్లుతోందని కాలనీవాసులు ఫిర్యాదు చేశారని జీహెచ్ఎంసీ అధికారులు పేర్కొన్నారు. ఇందులో భాగంగా డివిజన్ కార్పొరేటర్, హయత్‌నగర్ డీసీ, ఈఈ, ఇంజినీరింగ్ సబార్డినేట్లు ఈ కాలనీలను సందర్శించి ప్రతిపాదనలు పంపారని చెప్పారు. వారి ప్రతిపాదనలతో ఈ నాలాను బకెట్తో పూడిక తొలగింపు చేసేందుకు జీహెచ్ఎంసీ అనుమతించిందని పేర్కొన్నారు.
ఇదీ చదవండి: TS HC Notice : కాకతీయ, తెలుగు వర్సిటీల వీసీలకు హైకోర్టు నోటీసులు
