జీహెచ్ఎంపీ ఎన్నికలకు వెబ్ కాస్టింగ్ చేయడానికి ఇప్పటి వరకు 2 వేల మంది వాలంటీర్లు దరఖాస్తు చేసుకున్నారని జీహెచ్ఎంసీ ఎన్నికల అధికారి లోకేశ్ కుమార్ తెలిపారు. ఈ వెబ్ కాస్టింగ్కు మరింత మంది వాలంటీర్లు అవసరం ఉన్నందున ఇందులో పాల్గొన‌డానికి ఆసక్తి కనబరిచే అభ్యర్థులు.. ముఖ్యంగా సీనియ‌ర్‌ ఇంజ‌నీరింగ్ విద్యార్థులు జీహెచ్ఎంసీలో తమ పేర్లు నమోదు చేసుకోవాలని కోరారు. వెబ్ కాస్టింగ్లో పాల్గొనే వాలంటీర్లు సొంత ల్యాప్ టాప్ను కలిగి ఉండాలని చెప్పారు.
పోలింగ్, దాని ముందు రోజు ఈ వాలంటీర్ల సేవలు వినియోగించడం జరుగుతుందని పేర్కొన్నారు. వెబ్ కాస్టింగ్లో పాల్గొనేవారికి ప్రత్యేక శిక్షణ ఇవ్వడమేగాక తగు పారితోషికం, స‌ర్టిఫికెట్ జారీ చేస్తామని లోకేశ్ కుమార్ తెలిపారు. ఆసక్తి ఉన్న వారు myghmc యాప్ ద్వారా కానీ, https://bit.ly/GHMCELECTIONS-2020 అనే వెబ్ సైట్ ద్వారా తమ పేర్లను నమోదు చేసుకోవాలని స్పష్టం చేశారు.
