జీహెచ్‌ఎంసీ ఎన్నికల సందర్భంగా ముఖ్యమంత్రి కేసీఆర్ ఇచ్చిన ఓ హామీ నెరవేరబోతోంది. నల్లాల ద్వారా 20 వేల లీటర్ల వరకు ఉచిత తాగు నీరు నగరవాసులకు అందనుంది. ఈ నెల 12న రెహమత్‌నగర్ బోరబండలో ఈ కార్యక్రమాన్ని మంత్రి కేటీఆర్ లాంఛనంగా ప్రారంభించనున్నట్లు పశు సంవర్ధక శాఖ మంత్రి తలసాని శ్రీనివాస్ యాదవ్ వెల్లడించారు. ఎమ్మెల్యేలు, ఎంపీలు, ఎమ్మెల్సీలు, కార్పొరేటర్లు అంతా పెద్ద సంఖ్యలో హాజరై.. జయప్రదం చేయాలని పిలుపునిచ్చారు.
మొత్తం 10 లక్షల కనెక్షన్లు ఉండగా.. బస్తీల్లో 2 లక్షలు, బహుళ అంతస్థుల భవనాలు, ఇతర వ్యక్తిగత ఇళ్లు కలిపి 8 లక్షల కుటుంబాలు లబ్ధి పొందుతాయని మంత్రి పేర్కొన్నారు. ఇందుకోసం రూ.500 కోట్ల ఆర్థిక భారం ప్రభుత్వంపై పడుతుందని తెలిపారు. ఈ సందర్భంగా జీహెచ్‌ఎంసీ ఎన్నికల సమయంలో వరద బాధితుల కుటుంబాలకు ప్రభుత్వం రూ.10 వేలు ఇస్తే.. తాము రూ.25 వేలు ఇస్తామని హామీ ఇచ్చి ఓట్లు వేయించుకుని.. ఆ తర్వాత భాజపా మొహం చాటేసిందని మంత్రి ఆక్షేంపించారు.
ఇదీ చూడండి: రాష్ట్రంలో బర్డ్ఫ్లూ ఆనవాళ్లు లేవు: మంత్రి తలసాని
