ఎస్సీ, ఎస్టీ రిజర్వేషన్లను కాలరాసేందుకు కుట్ర జరుగుతోందని, ఈ విషయంలో గవర్నర్, రాష్ట్రపతి జోక్యం చేసుకోవాలని మాజీ ఎమ్మెల్సీ రాములు నాయక్ కోరారు. గిరిజన రిజర్వేషన్ సమితి ఆధ్వర్యంలో రాజ్ భవన్లో గవర్నర్ తమిళిసై సౌందరరాజన్ను కలిసి జీఓ ఎంస్ నంబర్ మూడు విషయమై వినతిపత్రం అందించారు.
రిజర్వేషన్ల విషయంలో ముఖ్యమంత్రి కేసీఆర్ గిరిజనులను మోసం చేస్తున్నారని ఆరోపించారు. రిజర్వేషన్లను ఆరు నుంచి 12 శాతానికి పెంచుతామని హామీ ఇచ్చి... ఆరేండ్లు అయినా పెంచలేదని అన్నారు. తక్షణమే జోక్యం చేసుకొని గిరిజనుల రిజర్వేషన్లు కాపాడాలని గవర్నర్ను కోరినట్లు రాములు నాయక్ తెలిపారు.
