దేశం అభివృద్ధి పథంలో దూసుకుపోతోందని మహారాష్ట్ర మాజీ గవర్నర్ విద్యాసాగర్ రావు అన్నారు. ఈ ఘనత ప్రధాని నరేంద్ర మోదీకి దక్కుతుందన్నారు. హైదరాబాద్ నాంపల్లిలోని పొట్టి శ్రీరాములు తెలుగు యూనివర్సిటీలో ఉగాది విశిష్ఠ సేవా పురస్కారాల కార్యక్రమంలో ఆయన పాల్గొన్నారు.
గ్లోబల్ క్రియేటివ్ ఆర్ట్స్ అకాడమీ, అమెరికా, ఇండో కెనడియన్ యూత్ కౌన్సిల్, కెనడా ఫిలంత్రోఫీక్ సొసైటీ ఆఫ్ ఇండియా సంయుక్త ఆధ్వర్యంలో పురస్కారోత్సవం నిర్వహించారు. రాజకీయాలకు సంబంధం లేకుండా సమాజంలో చాలా మంది సేవ చేస్తున్నారని విద్యాసాగర్ రావు అన్నారు. ఇలాంటి సంస్థలు మరిన్ని ముందుకు రావాలని ఆయన ఆకాంక్షించారు. ఈ కార్యక్రమంలో భాజపా నేతలు రాంచందర్రావు, బాబు మోహన్ తదితరులు పాల్గొన్నారు.
ఇదీ చదవండి: బంజారాహిల్స్ పబ్లో దొరికిన వారందరిని కఠినంగా శిక్షించాలి: బీజేవైఎం
