హైదరాబాద్​ పోలీసుల పనితీరుపై మాజీ గవర్నర్​ ప్రశంసలు

కరోనా లాంటి విపత్కర పరిస్థితుల్లోనూ ముందుండి ప్రజాసేవ చేస్తున్న హైదరాబాద్​ పోలీసుల పనితీరును మాజీ గవర్నర్​ ఈఎస్​ఎల్​ నరసింహన్​ కొనియాడారు. సిబ్బందికి దేవుడు ఆయురారోగ్యాలు ప్రసాదించాలని కాంక్షిస్తూ తన శుభాకాంక్షలు తెలిపారు.

హైదరాబాద్ సీపీ అంజనీ కుమార్ సేవలను తెలంగాణ మాజీ గవర్నర్ ఈఎస్ఎల్ నరసింహన్ కొనియాడారు. సిటీ పోలీసు కమిషనర్ అంజనీ కుమార్ నాయకత్వంలో సిబ్బంది అద్భుతమైన పనితీరు కనబరుస్తున్నారంటూ ప్రశసించారు. కరోనా లాంటి కష్టకాలంలోనూ ముందుండి సేవలు చేస్తున్న పోలీసులను చూసి గర్విస్తున్నానంటూ కితాబిచ్చారు.

భగవంతుడు పోలీస్​ సిబ్బందికి ఆయురారోగ్యాలు ఇవ్వాలని ఆకాంక్షిస్తూ.. శుభాకాంక్షలు తెలిపారు. ఓ టీవీ కార్యక్రమాన్ని వీక్షించిన తరవాత ఓ సామాన్య వ్యక్తిలా మాత్రమే ఇలా స్పందించినట్లు ఆయన పేర్కొన్నారు.

ఇదీ చదవండి: హోం క్వారంటైన్​లో ఉన్నవారికి కరోనా కిట్లు