నారాయణగూడ పీఎస్​లో ఐదుగురికి కరోనా

కొవిడ్​-19 బారినపడుతున్న పోలీసుల సంఖ్య రోజురోజుకూ పెరుగుతూనే ఉంది. తాజాగా నారాయణగూడ పోలీస్​స్టేషన్​లో మరో ఐదుగురికి ఈ మహమ్మారి సోకినట్లు నిర్ధారణ అయింది. ఎన్ని జాగ్రత్తలు తీసుకుంటున్నా.. కరోనా బాధితుల సంఖ్య క్రమంగా ఎక్కువవుతుండటం వల్ల మిగతా సిబ్బంది ఆందోళన చెందుతున్నారు.

రాష్ట్రంలో కరోనా బారినపడుతున్న ప్రజాప్రతినిధులు, అధికారులు, పోలీసుల సంఖ్య క్రమంగా పెరుగుతోంది. తాజాగా హైదరాబాద్ నారాయణగూడ పోలీస్​స్టేషన్​లోనూ కరోనా కలకలం రేగింది. ఓ మహిళా ఎస్సై, మరో ముగ్గురు కానిస్టేబుళ్లు ఈ మహమ్మారి బారినపడ్డారు.

మరోవైపు నారాయణగూడ ట్రాఫిక్​ పోలీస్ ​స్టేషన్​లోనూ ఒకరికి కరోనా పాజిటివ్​గా నిర్ధారణ అయింది. ఓ హోంగార్డుకు ఈ వైరస్​ సోకినట్లు వెల్లడైంది. ఫలితంగా వీరితో కలిసి విధులు నిర్వర్తించిన మిగిలిన సిబ్బందిలో ఆందోళన నెలకొంది.

ఇదీచూడండి: గ్రేటర్‌ హైదరాబాద్‌ పరిధిలో కరోనా ఉద్ధృతం