ఇంజినీరింగ్ మొదటి విడత సీట్లు ఇవాళ కేటాయించనున్నారు. కన్వీనర్ కోటాకు సంబంధించి రాష్ట్రవ్యాప్తంగా 33 కోర్సుల్లో 65,444 సీట్లు ఉండగా... 52,629 మంది మాత్రమే కౌన్సెలింగ్లో వెబ్ ఆప్షన్లు ఇచ్చారు. సీట్ల కేటాయింపు అనంతరం సుమారు 13 వేల సీట్లు మిగిలిపోనున్నాయి. సీట్లు పొందిన విద్యార్థుల మొబైల్ఫోన్లకు సంక్షిప్త సందేశాల ద్వారా వివరాలు అందుతాయని కన్వీనర్ నవీన్ మిత్తల్ తెలిపారు. ఈ నెల 15లోగా విద్యార్థులు ఆన్లైన్లో కళాశాలకు వ్యక్తిగతంగా రిపోర్ట్ చేయాలని తెలిపారు.
సంప్రదాయ కోర్సుల వైపే మొగ్గు
ఈ ఏడాది కూడా విద్యార్థులు సంప్రదాయ కోర్సులైన సీఎస్ఈ, ఐటీ, ఈసీఈల వైపే ఎక్కువగా మొగ్గు చూపారు. ఎంసెట్ ఇంజినీరింగ్లో లక్షా పదివేల మంది ఉత్తీర్ణులైనప్పటికీ... 53,795 మంది మాత్రమే ధ్రువపత్రాల పరిశీలనకు హాజరయ్యారు. అయితే 52 వేల 629 మంది ఐచ్ఛికాలు నమోదు చేసుకున్నారు. మిగిలిన సీట్ల కోసం త్వరలో రెండో విడత షెడ్యూలును అధికారులు ప్రకటించనున్నారు.
ఇవీ చూడండి : పార్టీ ఫిరాయింపులు ప్రజాస్వామ్యానికి చేటు: చాడ
