బ్యాంకులకు డబ్బు మోసే వాహనంలో మంటలు... దగ్ధం

సికింద్రాబాద్ బోయిన్​పల్లిలోని సిక్కువిలేజ్ వద్ద కారులో మంటలు చెలరేగాయి. అగ్నిమాపక సిబ్బంది మంటలను అదుపుచేశారు. కారులో ఎవరూ లేకపోవడం వల్ల ప్రమాదం తప్పింది.

బ్యాంకులకు నగదు తీసుకెళ్లే వాహనంలో మంటలు చెలరేగి అగ్నికి ఆహుతైన ఘటన సికింద్రాబాద్​లోని బోయిన్​పల్లిలో చోటుచేసుకుంది. టైరు పంక్చరవడంవల్ల వాహనాన్ని డ్రైవర్​ పార్కింగ్​లో ఉంచాడు. కారు నుంచి ఒక్కసారిగా మంటలు చెలరేగాయి. వాహనంలో ఎవరూలేకపోవడం వల్ల ప్రమాదం తప్పింది. స్థానికుల సమాచారంతో ఘటనాస్థలికి చేరుకున్న అగ్నిమాపక సిబ్బంది మంటలను అదుపు చేశారు. ఇంజిన్ వేడెక్కడం వల్లనే ప్రమాదం జరిగి ఉండవచ్చని భావిస్తున్నారు.

ఇదీ చదవండి: ఎండకు తగలబడ్డ ద్విచక్ర వాహనం