హైదరాబాద్ కూకట్పల్లి వై జంక్షన్ దగ్గరలో గోద్రేజ్ కంపెనీకి చెందిన ఖాళీ ప్రదేశంలో అగ్నిప్రమాదం సంభవించింది. ఘటనాస్థలంలో ఉన్న చెత్తతోపాటు ఎండిపోయిన గడ్డికి మంటలు అంటుకొని, చెట్లకు వ్యాపించాయి. భారీగా మంటలు ఎగిసిపడి, దట్టమైన పొగ కమ్ముకుంది. వై జంక్షన్లో చెక్ పోస్ట్ ఏర్పాటు చేసి విధులు నిర్వహిస్తున్న పోలీసు సిబ్బంది, పొగను గమనించి ఘటనాస్థలానికి చేరుకుని, మంటలను ఆర్పివేసే ప్రయత్నం చేశారు. పోలీసులు అగ్నిమాపక సిబ్బందికి సమాచారం అందించగా.. మంటలను పూర్తిగా అదుపులోకి తెచ్చారు. ప్రమాదానికి గల కారణాలు తెలియాల్సి ఉంది.
కూకట్పల్లి వైజంక్షన్లో అగ్నిప్రమాదం
ఇవీ చూడండి: ప్రపంచం కన్నా మెరుగ్గా పోరాడగలమని నిరూపిద్దాం: కేటీఆర్
