పెళ్లిళ్లు, ఫంక్షన్లు, హోటళ్లలో వృథాగా పారేస్తున్న ఆహారాన్ని సేకరించే కార్యక్రమం ఫీడ్ ధ నీడ్కు ఆదరణ పెరుగుతోంది. ఆపిల్ హోమ్ స్వచ్ఛంద సంస్థ, జీహెచ్ఎంసీ సంయుక్తంగా నిర్వహిస్తోన్న కార్యక్రమంలో భాగంగా సికింద్రాబాద్ రైల్వేస్టేషన్ ఎదురుగా నూతనంగా ఆహార పదార్థాల రిఫ్రిజిరేటర్ను ప్రారంభించారు. పరిసర ప్రాంతాల్లోని పేద వారికి, రైల్వే ఫుట్పాత్లపై ఉండే వారికి ఆహారాన్ని అందించనున్నట్లు నిర్వాహకులు తెలిపారు. కార్యక్రమంలో మోండా మార్కెట్ కార్పోరేటర్ ఆకుల రూప, స్వచ్ఛంద సంస్థ సిబ్బంది పాల్గొన్నారు.
ప్రధాన సమస్య
ఆహార పదార్థాలను వృథా చేయడం దేశంలో ప్రధాన సమస్యగా మారిందని స్వచ్ఛంద సంస్థ నిర్వాహకుడు రాజేష్ తెలిపారు. సరైన ఆహారం లేక చాలామంది చనిపోతున్నారని అన్నారు. దాతలు మరింత స్పందించాలని కోరారు. ఇలాంటి కార్యక్రమాల చేపట్టడం వల్ల ఆనందంగా ఉందని అన్నారు. ఆహార పదార్థాల ఫ్రిజ్లను జాగ్రత్తగా కాపాడు కోవాలని సూచించారు.
ఇదీ చూడండి : భానుడి భగభగలు.. ఆరోగ్య సూత్రాలు
