అమరావతిలో ఉద్రిక్తత... ఎమ్మెల్యే కారుపై రాళ్ల దాడి

ఆంధ్రప్రదేశ్​లోని అమరావతిలో ఉద్రిక్త పరిస్థితులు నెలకొన్నాయి. ఆందోళనకారులపై పోలీసులు లాఠీఛార్జ్ చేయటం వల్ల రెచ్చిపోయిన నిరసనకారులు అక్కడే ఉన్న మాచర్ల ఎమ్మెల్యే రామకృష్ణారెడ్డి కారుపై రాళ్లతో దాడి చేశారు. ఈ ఘటనలో కారు అద్దాలు ధ్వసం అయ్యాయి.

ఆంధ్రప్రదేశ్​లోని అమరావతిలో ఉద్రిక్త పరిస్థితులు నెలకొన్నాయి. రైతుల రహదారుల నిర్బంధం నేపథ్యంలో చినకాకాని వద్ద ఉద్రిక్త పరిస్థితులు ఏర్పడాయి. ఉదయం నుంచి రహదారిని నిర్బంధం చేస్తున్న రైతులను పోలీసులు అడ్డుకున్నారు. పలువురిని అరెస్ట్​ చేశారు. ఈ నేపథ్యంలో ఆందోళనకారులు వాహనాలపై రాళ్లు రువ్వారు. దీనితో పోలీసులు లాఠీఛార్జ్‌ చేశారు.

మాచర్ల ఎమ్మెల్యే రామకృష్ణారెడ్డిని రైతులు అడ్డుకున్నారు. ఎమ్మెల్యే కారుపై రైతులు రాళ్లతో దాడి చేసి.. అద్దాలు ధ్వంసం చేశారు. రైతులకు, పోలీసులకు మధ్య తీవ్ర వాగ్వాదం జరిగింది.

ఇవీచూడండి: కార్పొరేషన్లు, పురపాలక సంస్థలలో ఎన్నికల వేడి