నకిలీ తిరుమల దర్శన టికెట్లతో భక్తులు మోసపోయిన ఘటన మరోసారి వెలుగు చూసింది. హైదరాబాద్కు చెందిన ఇద్దరు.. శ్రీవారి దర్శనం నిమిత్తం తిరుపతికి చేరుకున్నారు. ఎటువంటి దర్శన టికెట్ల లభించకపోవడంతో దళారులను ఆశ్రయిచారు. కల్యాణోత్సవం వర్చువల్ సేవా టిక్కెట్లపై వచ్చే ప్రత్యేక ప్రవేశదర్శనం టికెట్లుగా భక్తులను నమ్మించారు. నకిలీ టికెట్లను అప్పచెప్పి వారి వద్ద నుంచి దళారి 4,400 రూపాయలు వసూలు చేశారు. టికెట్లతో కొండపై చేరుకుని దర్శనంకోసం వైకుంఠం క్యూ కాంప్లెక్స్లో ప్రవేశించారు. టికెట్లను తనిఖీ చేయగా.. అవి స్కాన్ అవలేదు. అనుమానం వచ్చి వాటిని పరిశీలించగా నకిలీవిగా తేలింది. మోసపోయిన భక్తుల వద్ద ఫిర్యాదును తీసుకున్న పోలీసులు విచారణ చేస్తున్నారు. ఇంటి దొంగల ఆసరాతో నకిలీ టికెట్లపై భక్తులు దర్శనాలు చేసుకుంటున్నట్టు ఆరోపణలు వస్తున్నాయి.
బార్ కోడ్తో నకిలీ టికెట్లు..
సాంకేతిక పరిజ్ఙానాన్ని ఉపయోగిస్తూ నకిలీ టిక్కెట్లు, లేఖలను సృష్టించడంలో దళారులు ఆరితేరారు. ఏది నకిలీనో ఏది నిజమైన టిక్కెట్టో తెలుసుకోలేనంతగా మార్ఫింగ్‌ చేస్తున్నారు. శ్రీవారి దర్శన టికెట్లన్నీ బార్ కోడ్తో జారీ అవుతాయి. ఈ బార్ కోడ్ ఆధారంగా నకిలీ టిక్కెట్లను దరాళులు తయారు చేస్తున్నారు. పాత టిక్కెట్ వివరాలపై భక్తుల పేరు.. గుర్తింపు కార్డు నంబరు.. దర్శన తేదీలను మార్చి నకిలీ టిక్కెట్లను సృష్టిస్తున్నారు. టిక్కెట్టుపై ఉన్న ధరకన్నా రెంటింపుగా వసూలు చేస్తూ అందిన కాడికి దోచుకుంటున్నారు.
దళారుల దందా..
దళారుల మోసాలకు అడ్డూ అదుపు లేకుండా పోతోంది. కరోనా కారణంగా పరిమిత సంఖ్యలో భక్తులకు దర్శనం కల్పిస్తుండడంతో శ్రీవారి దర్శనం కోసం అనేకమంది ప్రయత్నిస్తున్నారు. ఎలాంటి దర్శనం టికెట్లు లేకుండా తిరుపతికి చేరుకునే వారిని ఆధారంగా చేసుకుని దళారులు మోసాలకు పాల్పడుతూ... భక్తుల నుంచి అందిన కాడికి దోచుకుంటున్నారు. ఇంతకు ముందు ఎంపీ, ఎమ్మెల్యే నకిలీ లేఖలు సృష్టించి బ్రేక్‌ దర్శనాలను పొందుతూ అధిక ధరలకు విక్రయిస్తూ మోసగిస్తున్న ఉందంతాలను ఇటీవల విజిలెన్స్ గుర్తించడంతో.. తాజాగా నకిలీ టిక్కెట్లను సృష్టించి అక్రమంగా విక్రయిస్తున్న గుట్టు బయటపడింది.
ఇదీ చదవండి: Puri Jagannath Temple: దశల వారీగా తెరుచుకోనున్న పూరీ ఆలయం
TIRUMALA TICKETS: శ్రీవారి దర్శన కోటా టికెట్లు 5వేల నుంచి 8వేలకు పెంపు
