రాష్ట్రంలో ఎల్ఎల్బీ, ఎల్ఎల్ఎం కోర్సుల్లో ప్రవేశాల కోసం లాసెట్, పీజీఎల్సెట్ దరఖాస్తుల గడువును మరోసారి పొడగించినట్లు కన్వినర్ జీబీ రెడ్డి తెలిపారు. ఎటువంటి ఆలస్య రుసుము లేకుండా జులై 5 వరకు దరఖాస్తులను స్వీకరించనున్నట్లు పేర్కొన్నారు. ఆలస్య రుసుముతో ఆగస్టు 10వరకు దరఖాస్తు చేసుకోవచ్చన్నారు. ఆగస్టు 1 నుంచి 10 వరకు ఆన్లైన్లో అభ్యర్థులు సమర్పించిన వివరాలు సవరించుకునేందుకు అవకాశం ఉంటుందన్నారు.
ఆగస్టు 8 నుంచి వెబ్ సైట్లో హాల్ టికెట్లు అందుబాటులో ఉంటాయని తెలిపారు. ఆగస్టు 23న ఎల్ఎల్బీ ప్రవేశాల కోసం లాసెట్, ఎల్ఎల్ఎం కోసం పీజీఎల్ సెట్ జరగనుంది. ఆగస్టు 26న కీ విడుదల చేసి... 27వ తేదీ సాయంత్రం 5 వరకు అభ్యంతరాలను స్వీకరించనున్నట్లు కన్వీనర్ పేర్కొన్నారు. తుది కీ, ఫలితాల తేదీలను తర్వాత ప్రకటించనున్నట్లు జీబీ రెడ్డి వెల్లడించారు.
ఇదీ చదవండి: డెల్టా భయంతో ఆ దేశాల్లో మళ్లీ ఆంక్షలు!
