1. ఇప్పుడు గుర్తొచ్చారా..?
కాంగ్రెస్ తీరుపై మంత్రి తలసాని శ్రీనివాస్ యాదవ్ మండిపడ్డారు. కాంగ్రెస్ నాయకులకు ఎన్నికలప్పుడే బీసీలు గుర్తుకువస్తారని విమర్శించారు. జీహెచ్ఎంసీ ఎన్నికల్లో బీసీలకు యాభై శాతం సీట్లు అని కాంగ్రెస్ మాట్లాడటం హాస్యాస్పదంగా ఉందన్నారు. పూర్తి వివరాల కోసం క్లిక్ చేయండి.
2. అభినందనలు
భాగ్యనగరంలో తన నూతన ఎక్స్పీరియన్స్ స్టోర్ను స్మార్ ఫోన్ దిగ్గజ సంస్థ వన్ ప్లస్ ఆవిష్కరించింది. 16 వేల చదరపు అడుగుల విస్తీర్ణంలో నిర్మించిన ఈ స్టోర్.. తమకు ప్రపంచంలోనే అతిపెద్దదని కంపెనీ ప్రకటించింది. ఈ స్టోర్ను హైదరాబాద్కు తీసుకువచ్చినందుకు మంత్రి కేటీఆర్ వన్ ప్లస్ టీంను అభినందించారు. పూర్తి వివరాల కోసం క్లిక్ చేయండి.
3. ఆ పది పాఠశాలలపై చర్యలు
కరోనా పరిస్థితుల్లో ఫీజులకు సంబంధించిన ప్రభుత్వ ఉత్తర్వులను హైదరాబాద్లోని పది ప్రైవేట్ పాఠశాలలు ఉల్లంఘించాయని పాఠశాల విద్యా శాఖ హైకోర్టుకు నివేదించింది. రాష్ట్ర ప్రభుత్వ ఉత్తర్వులను ఉల్లంఘించిన పాఠశాలలపై చర్యలు తీసుకోవాలని సీబీఎస్ఈ, ఐసీఎస్ఈ బోర్డులకు నివేదిక ఇస్తామని పేర్కొంది. పూర్తి వివరాల కోసం క్లిక్ చేయండి.
4. చూస్తూ ఊరుకోం..
రైతులకు బకాయిలు చెల్లించకుండా ఇబ్బందులకు గురిచేస్తే... ప్రభుత్వం చూస్తూ ఊరుకోదని మంత్రి హరీశ్ రావు స్పష్టం చేశారు. ఈనెల 18వ తేదీలోగా బకాయిలను రైతులకు చెల్లించాలని.. ట్రైడెంట్ కర్మాగారాన్ని మంత్రి ఆదేశించారు. పూర్తి వివరాల కోసం క్లిక్ చేయండి.
5. ఫిబ్రవరిలోనే కొవాగ్జిన్
భారత్ బయోటెక్ సంస్థ అభివృద్ధి చేసిన కరోనా టీకా కొవాగ్జిన్ అనుకున్న సమయానికన్నా ముందే అందుబాటులోకి వచ్చే సూచనలు కనిపిస్తున్నాయి. వ్యాక్సిన్ ఫిబ్రవరిలోనే విడుదలయ్యే అవకాశం ఉందని తెలిపారు ఐసీఎంఆర్ సీనియర్ శాస్త్రవేత్త రజనీకాంత్. పూర్తి వివరాల కోసం క్లిక్ చేయండి.
6. మైకులు మూగబోయాయి
బిహార్ మూడో దశ పోలింగ్ జరిగే ప్రాంతాల్లో ప్రచార పర్వం ముగిసింది. నవంబర్ 7న 19 జిల్లాల్లోని 78 స్థానాలకు ఓటింగ్ జరగనుంది. అసెంబ్లీ స్పీకర్ విజయ్ కుమార్ చౌదరి సహా పలువురు మంత్రులు, కీలక నేతలు బరిలో ఉన్నారు. పూర్తి వివరాల కోసం క్లిక్ చేయండి.
7. కరోనా వేళ అక్కడ ఉండొచ్చా..?
కరోనా వేళ హోటళ్లలో ఉండటం సురక్షితమేనా? అన్న ప్రశ్నకు అమెరికా సీడీసీ ఓ అప్డేట్ విడుదల చేసింది. కరోనా బారినపడకుండా ఉండాలంటే.. ఇళ్లలో ఉండటమే మేలు అని పేర్కొంది. పర్యటించాల్సి వచ్చిన సందర్భాల్లో తక్కువ మంది ఉండే హోటల్ను చూసుకోవాలని సూచించింది. పూర్తి వివరాల కోసం క్లిక్ చేయండి.
8. బుల్ జోరు
స్టాక్ మార్కెట్లలో వరుసగా నాలుగో రోజూ బుల్ జోరు కొనసాగింది. గురువారం సెషన్లో సెన్సెక్స్ భారీగా 724 పాయింట్లు పెరిగి 41 వేల మార్క్ పైకి చేరింది. నిఫ్టీ కూడా 212 పాయింట్లు పుంజుకుని 12 వేలపైన స్థిరపడింది. పూర్తి వివరాల కోసం క్లిక్ చేయండి.
9. స్వల్ప స్కోర్లు
మహిళా టీ20 ఛాలెంజ్లో జరిగిన రెండో మ్యాచ్లో ట్రైల్బ్లేజర్స్పై వెలాసిటీ విజయం సాధించింది. ఈ పోరులో చాలా తక్కువ స్కోర్లు నమోదయ్యాయి. పూర్తి వివరాల కోసం క్లిక్ చేయండి.
10. అందులో నిజం లేదు
మెగా హీరోతో లవ్ట్రాక్ నడుపుతుందన్న వార్తల్లో నిజం లేదని చెప్పిన రాశీఖన్నా.. అవన్నీ పుకార్లు మాత్రమేనని కొట్టిపారేసింది. పరిశ్రమలో తనకు ఎంతోమంది ఫ్రెండ్స్ ఉన్నారని 'ఆలీతో సరదాగా' కార్యక్రమంలో వెల్లడించింది. పూర్తి వివరాల కోసం క్లిక్ చేయండి.
