ఈ నెల 20 లోపు స్థానిక సంస్థల ఏర్పాట్లు పూర్తి

రాష్ట్ర ఎన్నికల సంఘం స్థానిక పోరుకు సన్నద్ధమవుతోంది. స్థానిక ఎన్నికల ఏర్పాట్లపై ఇవాళ వివిధ శాఖల అధిపతులతో కీలక సమావేశం నిర్వహించింది. వచ్చేనెలలో 3 విడతల్లో స్థానిక పోరు నిర్వహించే అవకాశముంది.

స్థానిక సంస్థల ఎన్నికలకు ఈనెల 20 లోపు అన్ని ఏర్పాట్లు పూర్తి చేస్తామని ఎన్నికల కమిషనర్​ నాగిరెడ్డి తెలిపారు. మూడు దశల్లో ఎన్నికల ప్రక్రియ నిర్వహించే అవకాశం ఉందన్న ఆయన ఈనెల 18, 20 తేదీల మధ్య నోటిఫికేషన్​ ఇవ్వబోతున్నట్లు పేర్కొన్నారు. ఇప్పటికే పోలింగ్​ సిబ్బంది నియామకం పూర్తైందని అన్నారు. బ్యాలెట్​ పేపర్ల ముద్రణే కాస్త క్లిష్టతరమని... అభ్యర్థుల తుది జాబితా పూర్తయిన తరువాత మూడు రోజుల్లో ముద్రిస్తామని స్పష్టం చేశారు. ఎన్నికల్లో పోటీ చేసే అవకాశం అందరికీ ఉంటుందని తెలిపారు.

ఇవీ చూడండి: స్థానిక ఎన్నికలకు కసరత్తు ప్రారంభం