నేటినుంచి తెలుగు రాష్ట్రాల్లో విద్యా పరిరక్షణ యాత్ర

విద్యారంగ పరిరక్షణకు లోక్​సత్తా అధినేత డా.జయప్రకాశ్ నారాయణ కసరత్తు ప్రారంభించారు. తెలుగు రాష్ట్రాల్లో యాత్ర ద్వారా ఉద్యమానికి శ్రీకారం చుట్టనున్నారు.

పిల్లలకు నాణ్యమైన విద్యను అందించడంతో పాటు విద్యారంగ నాయకులుగా తయారు చేసేందుకు "ఎక్స్​ప్లో ఎడ్యుకేషన్ 2019" పేరుతో ప్రజాస్వామ్య పీఠం(ఫౌండేషన్ ఫర్ డెమోక్రటిక్ రిఫార్మ్స్- ఎఫ్​డీఆర్) తెలుగు రాష్ట్రాల్లో ఐదు రోజుల పాటు విద్యాయాత్రను నిర్వహించనుంది. ఈనెల 25న చిత్తూరు జిల్లా మదనపల్లి వద్దనున్న రిషీర్యాలీ స్కూల్​లో లోక్​సత్తా వ్యవస్థాపక అధ్యక్షుడు డా.జయప్రకాశ్ నారాయణ ప్రారంభిస్తారు. ఈమేరకు లోక్​సత్తా ఒక ప్రకటనలో పేర్కొంది. 25న రిషీ వ్యాలీ స్కూల్ అనంతరం 26, 27న విజయవాడ, 28న మహబూబ్​నగర్ జిల్లా కల్వకుర్తి, 29న హైదరాబాద్​లోని పాఠశాలల్లో ఈ బృందం సందర్శిస్తుంది. 30న హైదరాబాద్​ జూబ్లీహిల్స్​లోని ఓబుల్​రెడ్డి పబ్లిక్​స్కూల్​లో ముగింపు సమావేశాన్ని నిర్వహించి, బృందాలు తమ నివేదికను సమర్పిస్తాయి.

ఇవీ చూడండి: కారు... తుపాకీ... 3కోట్ల రూపాయలు... ఓ హైజాక్ కథ