ED Officials Have Filed A Petition In Court: ఎంబీఎస్ జ్యువెల్లర్స్ అధినేత సుకేశ్ గుప్తాను వారం రోజుల కస్టడీకి ఇవ్వాలంటూ ఈడీ అధికారులు కోర్టులో పిటిషన్ దాఖలు చేశారు. ఎంఎంటీసీ నుంచి తీసుకున్న బంగారాన్ని విక్రయించగా వచ్చిన నగదును ఎక్కడికి మళ్లించారనే వివరాలు తెలుసుకోవాల్సి ఉందని ఈ మోసంలో ఇంకెవరెవరి ప్రమేయం ఉందనే కోణంలో దర్యాప్తు చేయాల్సి ఉందని ఈడీ అధికారులు పిటిషన్లో పేర్కొన్నారు.
సుకేశ్ గుప్తాను కస్టడీకి అనుమతిస్తే ఆయనను ప్రశ్నించడం ద్వారా మరిన్ని వివరాలు తెలుసుకోవాల్సి ఉందని ఈడీ అధికారులు తెలిపారు. సుకేష్ గుప్తాను ఈడీ అధికారులు నిన్న అరెస్ట్ చేసి చంచల్ గూడ జైలుకు రిమాండ్కు తరలించారు. సీబీఐ ఎఫ్ఐఆర్ ఆధారంగా ఈడీ అధికారులు మనీలాండరింగ్ చట్టం కింద కేసు నమోదు చేశారు.
గతేడాది ఆగస్టులో ఎంబీఎస్ జ్యువెల్లర్స్కు చెందిన రూ.363కోట్ల ఆస్తులను సీజ్ చేసిన ఈడీ అధికారులు రెండు రోజుల క్రితం మరోసారి ముసద్దీలాల్ జ్యువెల్లర్స్లో సోదాలు చేసి రూ.150 కోట్ల విలువైన బంగారు వజ్రాభరణాలతో పాటు బినామీ ఆస్తులను సీజ్ చేశారు.
ఇవీ చదవండి:
