'మృతదేహాన్ని స్వస్థలానికి చేర్చేందుకు చొరవ చూపండి'

దుబాయ్​లో మరణించిన కడావత్​ శ్రీనునాయక్​ మృతదేహాన్ని స్వస్థలానికి చేర్చేందుకు చొరవచూపాలని ఎంపీ మన్నె శ్రీనివాస్​రెడ్డిని కుటుంబసభ్యులు కోరారు. తగిన సాయం చేస్తానని ఎంపీ హామీ ఇచ్చారు.

దుబాయ్​లో గుండెపోటుతో మరణించిన కడావత్ శ్రీనునాయక్ అనే వ్యక్తి మృతదేహం స్వస్థలానికి చేర్చేందుకు చొరవ చూపాలని మహబూబ్ నగర్ ఎంపీ మన్నె శ్రీనివాస్ రెడ్డిని కుటుంబ సభ్యులు కోరారు. దుబాయ్​లో గృహ నిర్మాణ కార్మికుడిగా పనిచేసేందుకు వెళ్లిన మహబూబ్ నగర్ జిల్లా నవాబ్​పేట మండలం నీర్​సాబ్ తండాకు చెందిన శ్రీనునాయక్.. అక్కడ బుధవారం గుండెపోటుతో మరణించాడు.

మృతదేహాన్ని తీసుకొచ్చే ఆర్థిక స్తోమత తమకు లేదని.. ప్రభుత్వం చొరవ తీసుకోవాలని కుటుంబ సభ్యులు కోరారు. తెలంగాణ భవన్​లో కేటీఆర్​ను కలిసేందుకు కుటుంబ సభ్యులు ప్రయత్నించగా.. వీలు కాలేదు. మహబూబ్​నగర్ ఎంపీ శ్రీనివాస్ రెడ్డిని కలిసి వేడుకోగా.. సాయం చేస్తానని ఎంపీ హామీ ఇచ్చారు.

ఇవీ చూడండి: ఆ తల్లికి... కన్నబిడ్డలే అమ్మగా మారారు..