ఈసారి విశ్వవిద్యాలయాల్లో డిమాండ్ లేని కోర్సులపై దృష్టి పెట్టి సీట్లకు కోత విధించామని చెప్పారు. ఈ ఏడాది 27 ప్రైవేట్, 20 మైనారిటీ కళాశాలలు దోస్త్లో చేరలేదన్నారు.సీట్ల సంఖ్యను ఒకటి రెండు రోజుల్లో వెల్లడిస్తామని దోస్త్ కన్వీనర్ ఆచార్య లింబాద్రి తెలిపారు. సీటు పొందినవారు ప్రభుత్వ కళాశాల అయితే రూ. 500, ప్రైవేట్ కాలేజీల్లో బోధన రుసుం రానివారు ఫీజులో 50 శాతం చెల్లించి రిజర్వ్ చేసుకోవచ్చన్నారు.
మార్పులు చేర్పులు
గతేడాది మీసేవతోపాటు ఆధార్ అనుసంధానమైన చరవాణి ద్వారా విద్యార్థులు రిజిస్ట్రేషన్లు చేసుకునేవారు. ఈసారి 82 ప్రభుత్వ డిగ్రీ కళాశాలలు, 7 విశ్వవిద్యాలయాల్లోని 92 సహాయ కేంద్రాల్లో రిజిస్ట్రేషన్ చేసుకోవచ్చు. కొంత మందికి రిజిస్ట్రేషన్ సమయంలో వేలిముద్ర నమోదు కావడం లేదు. వారికోసం పాత 10 జిల్లాల్లోని సహాయ కేంద్రాల్లో ఐరిస్ సౌకర్యం కల్పించారు. సీట్ల కేటాయింపు తర్వాత కాలేజీకి వెళ్లి రిపోర్టు చేయడం, రుసుం చెల్లించడం కాకుండా ఎంసెట్ తరహాలో ఆన్లైన్లో సెల్ఫ్ రిపోర్టింగ్ విధానం అమలు చేయనున్నారు.
| రిజిస్ట్రేషన్ | వెబ్ ఆప్షన్లు | సీట్ల కేటాయింపు | రిపోర్టింగ్ | |
| మొదటి విడత | మే 23 నుంచి జూన్ 3 వరకు | మే 25 నుంచి జూన్ 3 వరకు | జూన్ 10 | జూన్10 నుంచి 15 వరకు |
| రెండో విడత | జూన్ 10 నుంచి జూన్15 వరకు | జూన్ 10 నుంచి జూన్ 15 వరకు | జూన్ 20 | జూన్ 20 నుంచి జూన్ 25 వరకు |
| మూడో విడత | జూన్ 20 నుంచి జూన్ 25 వరకు | జూన్ 20 నుంచి జూన్ 25 వరకు | జూన్ 29 | జూలై1 నుంచి జూలై 4 వరకు |
